🔥 *डंके की चोट पे ही निवडणूक जिंकणार पालकमंत्री गुलाबराव पाटील यांचा निर्धार* 🔥 *कार्यकर्त्यांवर अन्याय होऊ देणार नाही याची जाहीर हमी देतो* 🔥 *धरणगाव शिवसेना तालुका मेळाव्यात केले आवाहन* 🔥

*“डंके की चोट पे ही निवडणूक जिंकणार” – पालकमंत्री गुलाबराव पाटील यांचा निर्धार*

“कार्यकर्त्यांवर अन्याय होऊ देणार नाही” – पालकमंत्री गुलाबराव पाटील यांची जाहीर हमी

*धरणगाव (प्रतिनिधी) दि. 3 नोव्हेंबर – “धरणगाव तालुक्यात गेली पंचवीस वर्षे भगवा झेंडा फडकत आहे. नगरपालिकेवर, जिल्हा परिषद सदस्य, पंचायत समितीवर शिवसेनेचे वर्चस्व कायम आहे. पोटनिवडणुकीतही शिवसेनेचाच विजय झाला. कोणत्याही कार्यकर्त्यावर अन्याय होऊ देणार नाही, मी भक्कमपणे तुमच्या पाठीशी उभा आहे.असा ठाम विश्वास त्यांनी व्यक्त केला. “ही निवडणूक कार्यकर्त्यांची आहे. केलेला विकास प्रत्येक घराघरापर्यंत, प्रत्येक मतदारापर्यंत पोहोचवा. युती बाबतची जबाबदारी माझ्यावर सोपा. कार्यकर्त्यांनी एकजूट ठेवा. ‘डंके की चोट पे ही निवडणूक जिंकणारच !’ असा मी तुम्हाला शब्द देतो. सर्वांनी भगवा फडकविण्यासाठी सज्ज राहा. असे आवाहन शिवसेनेचे ज्येष्ठ नेते तथा पालकमंत्री यांनी केले.*

धरणगाव येथे पालकमंत्री तथा शिवसेनेचे ज्येष्ठ नेते गुलाबराव पाटील यांच्या उपस्थितीत येथिल माऊली लॉन येथे आयोजित या तालुका विस्तृत बैठकीस तालुक्यातील शेकडो कार्यकर्त्यांची गर्दी उसळली होती.

या विस्तृत तालुका बैठकीत प्रियंका परदेशी, सीमा परदेशी, ज्योती मोरवकर, ललिताबाई मोरवकर, तुळसाबाई चव्हाण यांच्यासह असंख्य महिलांनी महिला शिवसेना आघाडीत प्रवेश केला. त्यांचे स्वागत पालकमंत्री गुलाबराव पाटील यांच्या हस्ते करण्यात आले.

शिवसेनेचे जिल्हाप्रमुख विष्णू भंगाळे यांनी सांगितले, “प्रत्येक बुथ प्रमुखांनी व शाखाप्रमुखांनी मतदार यादीचा सखोल अभ्यास करावा. प्रत्येक कार्यकर्त्याने *‘आपणच गुलाब भाऊ’* असा भाव मनात ठेवून काम करावे. पक्षाचा आदेश म्हणजेच सर्वस्व आहे.”

माजी आमदार शिरीष चौधरी म्हणाले, “शिवसेनेचे ज्येष्ठ नेते आणि जिल्ह्याचे पालकमंत्री गुलाबराव पाटील हे सांगतील तेच आमचे धोरण आणि दिशा असेल. ते पक्षनिष्ठ व प्रामाणिक कार्यकर्त्याला नेहमी न्याय देतात. त्यांच्या नेतृत्वाखाली आम्ही सर्व कार्यकर्ते एकदिलाने पुढे जात आहोत.”

या वेळी तालुका प्रमुख डी. ओ. पाटील, विधानसभा क्षेत्र प्रमुख सचिन पवार, तसेच माजी तालुका प्रमुख गजानन पाटील यांनी आपापल्या भावना व्यक्त करत कार्यकर्त्यांना जोमाने मैदानात उतरावे, असे आवाहन केले.

बैठकीचे प्रास्ताविक तालुकाप्रमुख देव पाटील यांनी केले, सूत्रसंचालन युवा सेनेचे उप जिल्हाप्रमुख भैय्या मराठे यांनी केले तर आभार शहर प्रमुख विलास महाजन यांनी मानले.

*मान्यवरांची जंगी उपस्थिती*
या बैठकीस शिवसेनेचे जिल्हाप्रमुख विष्णू भंगाळे, माजी आमदार शिरीष चौधरी, माजी जिल्हा परिषद सदस्य प्रतापराव पाटील, मागासवर्गीय सेनेचे जिल्हाप्रमुख मुकुंदराव नन्नवरे, उपजिल्हाप्रमुख पी. एम. पाटील, विधानसभा क्षेत्र प्रमुख संजय पाटील, युवा सेनेचे जिल्हाप्रमुख रोहित कोगटा, तालुकाप्रमुख डी. ओ. पाटील, शहर प्रमुख विलास महाजन, एड. शरद माळी, माजी नगरसेवक पप्पू भावे, विजय महाजन, मार्केट कमिटी सभापती प्रेमराज पाटील, संघटक रवींद्र चव्हाण, शेतकी संघाचे सभापती गजानन पाटील, माजी तालुकाप्रमुख गजानन नाना पाटील, मोती आप्पा पाटील, मंगल अण्णा पाटील, विद्यार्थी सेनेचे कल्पेश विसावे, माजी नगराध्यक्ष अंजलीताई विसावे, महिला आघाडीच्या भारतीताई चौधरी, तसेच अहमद पठाण, तौसीफ पटेल, भैय्या महाजन, बूटा पाटील, संतोष महाजन, सुरेश महाजन यांच्यासह मोठ्या संख्येने पदाधिकारी व कार्यकर्ते उपस्थित होते.