💥*गावाच्या लोकसंख्येपेक्षा विकासकामांची गरज महत्त्वाची – पालकमंत्री ना. गुलाबराव पाटील*💥 *ममुराबाद, विदगाव, तुरखेडा, बेळी, जळगाव खुर्द, निमगाव, खिर्डी परिसरात कोट्यवधींच्या कामांचे भूमिपूजन व लोकार्पण*

*गावाच्या लोकसंख्येपेक्षा विकासकामांची गरज महत्त्वाची – पालकमंत्री ना. गुलाबराव पाटील*

ममुराबाद, विदगाव, तुरखेडा, बेळी, जळगाव खुर्द, निमगाव, खिर्डी परिसरात कोट्यवधींच्या कामांचे भूमिपूजन व लोकार्पण

*जळगाव प्रतिनिधी | दि. २४ जानेवारी – “ग्रामीण भागातील रस्ते, स्वच्छता व सार्वजनिक सुविधा मजबूत झाल्याशिवाय सर्वांगीण विकास शक्य नाही. त्यामुळे निधी मंजूर करताना केवळ गावाची लोकसंख्या न पाहता त्या गावाची नेमकी गरज काय आहे, हे पाहूनच कामांना मंजुरी दिली जात आहे. गरज लहान असो वा मोठी, प्रत्येक काम महत्त्वाचे आहे. गावाचा विकास हवा असेल तर गावात एकजूट असली पाहिजे. मतभेद असू शकतात, पण विकासाच्या प्रश्नावर सर्वांनी एकत्र यावे. तुमच्या प्रत्येक चांगल्या कामासाठी मी पालकमंत्री म्हणून तुमच्या पाठीशी खंबीरपणे उभा आहे,” अशी ग्वाही राज्याचे पाणीपुरवठा व स्वच्छता मंत्री तथा जळगाव जिल्ह्याचे पालकमंत्री ना. गुलाबराव पाटील यांनी दिली.*

ते ममुराबाद, विदगाव, आवार, तुरखेडा, बेळी, जळगाव खुर्द, निमगाव व खिर्डी या गावांमध्ये विविध कोट्यवधी रुपयांच्या विकासकामांचे भूमिपूजन व लोकार्पण प्रसंगी बोलत होते.

*या कामांचे झाले भूमिपूजन व लोकार्पण*
मुख्यमंत्री ग्रामसडक योजनेअंतर्गत ममुराबाद ते खेडी या 5.73 किमी लांबीच्या रस्त्याचे दर्जोन्नतीकरण करण्यासाठी 5 कोटी 17 लक्ष रुपये, तसेच विदगाव ते कानळदा या 3.65 किमी रस्त्याचे दोन ठिकाणी स्लॅब मोऱ्या बांधकामासह दर्जोन्नतीकरणासाठी 3 कोटी 18 लक्ष रुपये मंजूर असून, या दोन्ही रस्त्यांचे भूमिपूजन व लोकार्पण करण्यात आले. याच कार्यक्रमात *ममुराबाद* येथे गावांतर्गत ब्लॉक बसविणे, स्मशानभूमीला संरक्षण भिंत, स्मशानभूमीपर्यंत सौरदिवे, गटार बांधकाम, उर्दू शाळेत शौचालय बांधकाम व कब्रस्तानला संरक्षण भिंत; *तुरखेडा* येथे गावांतर्गत कॉंक्रिटीकरण, *विदगाव* येथे गावांतर्गत कॉंक्रिटीकरण व जिल्हा परिषद शाळेच्या वर्गखोल्यांचे बांधकाम; *बेळी* येथे स्मशानभूमी बांधकाम व गावांतर्गत कॉंक्रिटीकरण, *निमगाव* येथे अंगणवाडीचे लोकार्पण, ग्रामपंचायत कार्यालय व स्मशानभूमीला संरक्षण भिंत; *जळगाव खुर्द* येथे गावांतर्गत कॉंक्रिटीकरण व स्मशानभूमी पोहोच रस्ता; तर *खिर्डी* येथे स्मशानभूमी बांधकाम व गावांतर्गत ब्लॉक बसविणे या कामांचेही भूमिपूजन व लोकार्पण करण्यात आले.

कार्यक्रमाचे प्रास्ताविक जिल्हा परिषदेचे तत्कालीन सदस्य प्रतापराव पाटील यांनी केले. सूत्रसंचालन कृषी सहाय्यक सचिन बाविस्कर यांनी केले, तर आभार विभाग प्रमुख युवराज पाटील यांनी मानले. महिलांच्या औक्षणाने, फटाक्यांच्या आतषबाजीने व ढोल-ताशांच्या गजरात प्रत्येक गावात पालकमंत्री ना. गुलाबराव पाटील यांचे भव्य स्वागत करण्यात आले. काही ठिकाणी गावागावांतून पायी मिरवणूकही काढण्यात आली.

*मान्यवर उपस्थिती*
या कार्यक्रमास सेनेचे तालुका प्रमुख शिवराज पाटील, पं. स. माजी सभापती ललिता सपकाळे, जनाआप्पा कोळी, उपनगराध्यक्ष पंकज महाजन, उपतालुका प्रमुख स्वप्निल सोनवणे, महेश चौधरी, तुषार महाजन, माजी सरपंच भरत शिंदे, विलास सोनवणे, संतोष कोळी, महेंद्र कोळी, तसेच सरपंच अक्षय पाटील, प्रवीण पाटील, नितीन सपकाळे, उषा पाटील, शोभा धनगर, जयश्री चौधरी, दिनेश पाटील, विभाग प्रमुख युवराज पाटील, डॉ. कमलाकर पाटील, कैलास चौधरी, माजी सभापती मुकुंदराव नन्नवरे, गजानन सोनवणे, चेतन पवार, गिरीश भोळे, भाजपा पदाधिकारी भंगाळे, मिलिंद चौधरी, पोलीस पाटील संतोष पाटील, ग्रामपंचायत सदस्य इंदिरा पाटील, अनिता धनगर, मंगलाबाई भिल, जयंत पाटील, अरुण पाटील, संजय नाले, मेघा नाले, भारती बागडे, सुनील काळे, कुंदन पाटील, संतोष सपकाळे, बंडू पाटील सर, जितू पाटील, मोगली बाबा ठाकरे, युवासेनेचे राम काटोले, अजय महाजन तसेच विविध गावांतील सरपंच, उपसरपंच, पदाधिकारी व ग्रामस्थ मोठ्या संख्येने उपस्थित होते.