👁️*जिपीएस मित्र परिवाराच्या नेत्र शिबिराला अभूतपूर्व प्रतिसाद* *1060 रुग्णांची नोंदणी; 510 रुग्णांवर मोफत मोतिबिंदू शस्त्रक्रिया*👁️

*जिपीएस मित्र परिवाराच्या नेत्र शिबिराला अभूतपूर्व प्रतिसाद*
1060 रुग्णांची नोंदणी; 510 रुग्णांवर मोफत मोतिबिंदू शस्त्रक्रिया
पाळधी (ता. धरणगाव) |
मा. ना. गुलाबराव पाटील साहेब यांच्या प्रेरणेतून तसेच जि. प. सदस्य प्रतापराव पाटील व विक्रम पाटील यांच्या प्रयत्नातून जिपीएस मित्र परिवारातर्फे भव्य नेत्र तपासणी व मोफत मोतिबिंदू शस्त्रक्रिया शिबिराचे आयोजन करण्यात आले होते. या शिबिराला नागरिकांचा मोठा व अभूतपूर्व प्रतिसाद मिळाला.
सकाळी ७ वाजेपासून गावागावातून आबालवृद्ध नागरिकांनी नेत्र तपासणीसाठी गर्दी केली. शिबिरात एकूण 1060 रुग्णांची नोंदणी करण्यात आली असून त्यापैकी 510 रुग्णांना पनवेल येथील सुप्रसिद्ध शंकरा नेत्र रुग्णालयात मोफत मोतिबिंदू शस्त्रक्रियेसाठी पाठविण्यात आले.
शिबिरात सहभागी रुग्णांसाठी नाश्ता व जेवणाची व्यवस्था करण्यात आली होती. विशेष म्हणजे रुग्णांकडून कोणताही मोबदला न घेता सर्व सेवा पूर्णतः मोफत देण्यात आल्या. या दृष्टीदान उपक्रमाचे सर्वत्र कौतुक होत असून लाभार्थी रुग्णांनी आयोजक व नेत्यांचे आभार मानले.
या शिबिरासाठी डॉ राहुल चौधरी शंकरा हॉस्पिटलची संपूर्ण टीम डॉ विजय ब्राम्हणे डॉआकाश इयनोर प्राजक्ता गायकवाड सोनाली पंथरे सागर पाटील,पाळधी आरोग्य केंद्राचे कर्मचारी, तालुका वैद्यकीय अधिकारी डॉ. संजय चव्हाण, डॉ. ऋषिकेश झंवर डॉ सायमा,डॉ निळोफर डॉ रितुल पाटील तसेच जिपीएस मित्र परिवार, शिवसेना व युवासेना कार्यकर्त्यांनी परिश्रम घेतले.