💥*एकजुटीतूनच खरा विकास; बोरनारला विकासकामांची भेट*💥 *ग्रामपंचायत म्हणजे गावाच्या निर्णयशक्तीचे केंद्र – पालकमंत्री गुलाबराव पाटील* पालकमंत्री गुलाबराव पाटील यांच्या हस्ते ग्रामपंचायत कार्यालय, सामाजिक सभागृह, भक्तनिवास व हॉलचे लोकार्पण

एकजुटीतूनच खरा विकास; बोरनारला विकासकामांची भेट

*ग्रामपंचायत म्हणजे गावाच्या निर्णयशक्तीचे केंद्र – पालकमंत्री गुलाबराव पाटील*

पालकमंत्री गुलाबराव पाटील यांच्या हस्ते ग्रामपंचायत कार्यालय, सामाजिक सभागृह, भक्तनिवास व हॉलचे लोकार्पण

*बोरनार / पाळधी / जळगाव प्रतिनिधी | दि. २१ फेब्रुवारी – ग्रामपंचायत कार्यालय म्हणजे गावाच्या निर्णयशक्तीचे केंद्र आहे. सामाजिक सभागृह व भक्तनिवास या सुविधा म्हणजे गावाच्या संस्कृतीची ओळख आहेत. गावाला मिळालेल्या विकास निधीसोबत गाव एकत्र राहिले तरच खरा विकास होतो. राजकारण येईल-जाईल; पण गावाची एकजूट टिकली पाहिजे. बोरनार गावाने एकोप्याने पुढे जाऊन इतर गावांसाठी आदर्श ठरावे. परमेश्वराच्या अधिष्ठानाशिवाय माणूस मोठा होत नाही. कितीही मोठ्या पदावर गेलो तरी नम्रता, संस्कार आणि देवावर विश्वास हेच खरे मोठेपण आहे,” असे प्रतिपादन पालकमंत्री गुलाबराव पाटील यांनी केले.*

जळगाव तालुक्यातील बोरनार येथे जिल्ह्याचे पालकमंत्री तथा पाणीपुरवठा व स्वच्छता मंत्री गुलाबराव पाटील यांच्या हस्ते गावासाठी महत्त्वपूर्ण ठरणाऱ्या विविध विकासकामांचे लोकार्पण व उद्घाटन प्रसंगी ते बोलत होते.

सुरुवातीला गावातून मिरवणूक काढून फटाक्यांच्या आतषबाजीत महिलांनी मंत्री गुलाबराव पाटील यांचे औक्षण केले. ओम शांती केंद्रातर्फे व ग्रामपंचायतीतर्फे त्यांना भेटवस्तू देऊन शाल, श्रीफळ व बुके देऊन भव्य सत्कार करण्यात आला.

महिलांच्या भूमिकेचे कौतुक करताना पालकमंत्री गुलाबराव पाटील पुढे म्हणाले की,
ज्या गावात महिलांची जागृती होते, त्या गावाच्या विकासाला आपोआप वेग येतो. बचत गटांच्या माध्यमातून माता-भगिनी स्वतःच्या पायावर उभ्या राहत आहेत, ही अभिमानाची बाब आहे. माझ्या पाठीशी माता-भगिनींचा आशीर्वाद आहे; तोच माझी खरी ताकद आहे.

*या कामांचे झाले लोकार्पण व उद्घाटन*
ग्रामपंचायत कार्यालय, जल जीवन मिशन योजनेंतर्गत दोन पाण्याच्या टाक्यांसह नवीन पाइपलाईन पाणीपुरवठा योजना, कब्रस्तान संरक्षण भिंत, देशमुख वाडा चौकासह गावातील विविध भागांतील अंतर्गत रस्त्यांचे काँक्रिटीकरण, ओम शांती केंद्र सामाजिक सभागृह, श्री विठ्ठल मंदिर परिसरातील भक्तनिवास इमारत तसेच मंदिरालगत नदीकाठ संरक्षण भिंत व सामाजिक सभागृहाचे लोकार्पण आणि महिला बचत गटाच्या ग्राम संघाच्या कार्यालयाचे उद्घाटन पालकमंत्री गुलाबराव पाटील यांच्या हस्ते करण्यात आले. तसेच मुख्यमंत्री ग्रामसडक योजने अंतर्गत बोरनार ते डोणगाव (४ कोटी), पाथरी गेट ते बोरनार शेत रस्ता (४ कोटी मंजूर) तसेच बोरनार ते सामनेर या शेती रस्त्याचे काम (८० लाख) सुरू करण्यात आले आहे.

कार्यक्रमाचे सूत्रसंचालन सेवानिवृत्त शिक्षक सतीश चौधरी यांनी केले. प्रास्ताविक जिल्हा केंद्राचे ब्रह्मकुमारी मीनाक्षी दीदी यांनी केले तर आभार विभाग प्रमुख सुनील बडगुजर यांनी मानले.

*यांची होती उपस्थिती*
याप्रसंगी सरपंच सौ. मंदा सुनील बडगुजर, उपसरपंच वैशाली कोळी, सुरेश दौलतराव थोरात, सखुबाई धनगर, समसदबी पठाण, लताबाई पाटील, कल्पना सतीश चौधरी, छोटू देशमुख,जिल्हा केंद्राचे ब्रम्ह कुमारी मीनाक्षी दीदी, म्हसावद संचालिका योजना दीदी, साहेबराव गुरुजी, राज बहन, दीपा आणि अश्विन बहन, शाम ठाकूर, बुशरा देशमुख, शिवसेनेचे उपजिल्हाप्रमुख अनिल भोळे, रवी कापडणे, तालुका प्रमुख शिवराज पाटील, उपतालुका प्रमुख धोंडू जगताप, विकास जाधव, दूध संघाचे संचालक रमेश आप्पा पाटील, सरपंच जितू पाटील, राजेंद्र पाटील, गोविंदा पवार, विजय आमले, समाधान चिंचोरे, डॉ. सुधाकर पाटील, माजी उपसभापती साहेबराव वराडे, मंदीर ट्रस्टचे सुरेश जैन, जिजाऊ महिला ग्राम संघाच्या महिला भगिनींसह मार्केट कमिटीचे सदस्य समाधान धनगर, सतीश थोरात, विठ्ठल मंदिराचे चेअरमन युवराज देशमुख, व्हा. चे. मधुकर बडगुजर व सदस्य, सोसायटीचे चे. दिनकर चौधरी, व्हा. चे. पांडू देशमुख व सदस्य, ठेगा संस्थेचे चे. भिका उशीर, व्हा. चे. जमील देशमुख व सदस्य, मजीदचे चे. मुक्तार देशमुख व व्हा. चे. व सदस्य, पो.पा. शेखर बडगुजर, सुरेश जैन, सुभाष कोळी, पुंडलिक कोळी यांच्यासह जिजाऊ महिला ग्राम संघाच्या भगिनी, ओम शांती केंद्राचे पदाधिकारी व संचालिका तसेच ग्रामस्थ व कार्यकर्ते मोठ्या संख्येने उपस्थित होते.