🔥*हक्काचा प्रत्येक मतदार सुरक्षित ठेवा; प्रत्येक बूथ मजबूत करा – पालकमंत्री गुलाबराव पाटील यांचे स्पष्ट आवाहन*🔥 किंवा *मतदार सुरक्षितता हीच प्राथमिकता ; प्रत्येक बूथ भक्कम करण्याचे निर्देश ! – पालकमंत्री गुलाबराव पाटील*

*हक्काचा प्रत्येक मतदार सुरक्षित ठेवा; प्रत्येक बूथ मजबूत करा – पालकमंत्री गुलाबराव पाटील यांचे स्पष्ट आवाहन*
किंवा
*मतदार सुरक्षितता हीच प्राथमिकता ; प्रत्येक बूथ भक्कम करण्याचे निर्देश ! – पालकमंत्री गुलाबराव पाटील*

*पाळधी/धरणगाव/जळगाव दि. ११ एप्रिल (प्रतिनिधी) – आगामी निवडणुकांच्या पार्श्वभूमीवर मतदार यादी शुद्धीकरण हे केवळ एक अभियान नसून ती संघटनात्मक ताकदीची खरी कसोटी आहे. “मतदार यादी ही ग्राम पातळीचे राज्य स्तरापर्यंत च्या निवडणुकीची विजयाची शिदोरी आहे. एकही हक्काचा मतदार वंचित राहू नये आणि एकही बनावट नाव शिल्लक राहू नये, यासाठी प्रत्येक बीएलएने रणांगणात उतरावे,” असे स्पष्ट आणि ठाम प्रतिपादन राज्याचे पाणीपुरवठा व स्वच्छता मंत्री तथा पालकमंत्री गुलाबराव पाटील यांनी केले.*

धरणगाव तालुक्यातील पाळधी येथील सुगोकी लॉन येथे आयोजित मतदार यादी शुद्धीकरण (SIR) अभियानांतर्गत बीएलए प्रशिक्षण कार्यक्रमात ते मार्गदर्शन करत होते.

यावेळी त्यांनी कार्यकर्त्यांशी थेट संवाद साधत सांगितले की, बूथ हा पक्षाचा कणा आहे. बूथ मजबूत असेल तर निवडणूक आपोआप जिंकली जाते. त्यामुळे प्रत्येक बीएलएने आपल्या बूथचा सखोल अभ्यास करून, घराघरात जाऊन मतदारांची अचूक माहिती संकलित करावी. BLO सोबत समन्वय ठेवा, नवीन मतदार जोडण्यावर भर द्या आणि चुकीच्या नोंदी तातडीने दुरुस्त करा. जोपर्यंत प्रत्येक पात्र मतदार नोंदवला जात नाही, तोपर्यंत विश्रांती नाही. असे आवाहन त्यांनी केले.

या अभियानाला अधिक परिणामकारक करण्यासाठी पालकमंत्री गुलाबराव पाटील यांच्या नेतृत्वात शिवसेनेकडून तालुकास्तरावर नियोजनबद्ध मोहीम राबविण्यात येत असून प्रत्येक कार्यकर्त्याने यामध्ये सक्रिय सहभाग नोंदवावा, असेही त्यांनी स्पष्ट केले. बीएलएंना प्रोत्साहनपर मानधन देण्याचा निर्णयही त्यांनी जाहीर करत कार्यकर्त्यांचा उत्साह वाढविला.

प्रास्ताविकात जिल्हा परिषद सदस्य प्रतापराव पाटील यांनी SIR अभियानाचे महत्त्व अधोरेखित करत हे अभियान १०० टक्के यशस्वी करण्यासाठी सूक्ष्म नियोजन करावे असे आवाहन केले. कार्यक्रमाचे सूत्रसंचालन माजी सभापती मुकुंदराव नन्नवरे यांनी केले तर आभार माजी सभापती सचिन पवार यांनी मानले.

प्रशिक्षण शिबिरात SIR अभियानाचे महत्त्व, मतदार पडताळणीची पद्धत, डिजिटल मॅपिंग आणि बूथनिहाय नियोजन याबाबत SIR तज्ञ मार्गदर्शक प्रथमेश मोहोळ यांनी BLA यांना सविस्तर मार्गदर्शन करण्यात आले. या शिबिरात शंकाचे निरसन ही करण्यात आले.

*यांची होती उपस्थिती*
शिबिराला तालुका प्रमुख डी. ओ. पाटील, माजी सभापती मुकुंदराव नन्नवरे, जिल्हा परिषद सदस्य प्रतापराव पाटील, सचिन पवार, तालुका संघटक रवी चव्हाण सर, विधानसभा क्षेत्र प्रमुख संजय पाटील, शहर प्रमुख धीरेंद्र पुर्भे, उप सभापती विजय महाजन, शेतकी संघाचे गजानन पाटील, शरद पाटील यांच्यासह धरणगाव तालुक्यातील शिवसेनेचे बी एल ए. पदाधिकारी व कार्यकर्ते मोठ्या संख्येने उपस्थित होते.