📌*पाळधीत आजपासून अखंड हरिनाम संकीर्तन सप्ताहाचा शुभारंभ*📌 महाराष्ट्रातील नामवंत कीर्तनकारांच्या उपस्थितीने भक्तिभावाचे पर्व-जय्यत तयारी

*पाळधीत आजपासून अखंड हरिनाम संकीर्तन सप्ताहाचा शुभारंभ*
महाराष्ट्रातील नामवंत कीर्तनकारांच्या उपस्थितीने भक्तिभावाचे पर्व-जय्यत तयारी

*पाळधी /धरणगाव /जळगाव प्रतिनिधी दिनांक 26 मे – राज्याचे पाणीपुरवठा व स्वच्छता मंत्री तथा पालकमंत्री गुलाबराव पाटील यांच्या अभिष्टचिंतन सोहळ्या निमित्त पाळधी नगरीत आजपासून भक्ती, श्रद्धा आणि अध्यात्माच्या पवित्र उत्सवाने भारावून जाणार असून अखंड हरिनाम सप्ताहाला आज प्रारंभ होत आहे. या निमित्ताने संपूर्ण पाळधीसह पंचक्रोशी परिसरात भक्तीचे आणि उत्साहाचे वातावरण निर्माण झाले आहे. या सप्ताहाचे विशेष आकर्षण म्हणजे महाराष्ट्रातील अत्यंत नामवंत, अभ्यासू आणि आपल्या प्रभावी वाणीने लाखो भाविकांच्या मनावर अधिराज्य गाजविणारे कीर्तनकार या सप्ताहात सहभागी होत आहेत. संत परंपरेतील विचार, अध्यात्म, संस्कार आणि समाजप्रबोधनाचा संदेश देणाऱ्या या मान्यवरांच्या उपस्थितीमुळे भाविकांमध्ये मोठा उत्साह पाहायला मिळत आहे.*

या पवित्र धार्मिक सोहळ्याच्या पूर्वतयारीसाठी पाणीपुरवठा व स्वच्छता मंत्री तथा जिल्ह्याचे पालकमंत्री गुलाबराव पाटील यांचे सुपुत्र, विद्यमान जिल्हा परिषद सदस्य व युवा नेते प्रतापराव पाटील यांच्या हस्ते विधिवत पूजा करून मंडप उभारणी व इतर कामांचा शुभारंभ करण्यात आला.

युवा नेते प्रतापराव पाटील व विक्रम पाटील समस्त पाटील परिवार तसेच सर्व ग्रामस्थ व भक्तगण यांच्या नेतृत्वाखाली संपूर्ण अखंड हरिनाम संकीर्तन सप्ताहाचे नियोजन व आयोजन करण्यात आले असून, त्यासाठी आयोजक समिती आणि ग्रामस्थांनी विशेष परिश्रम घेतले आहेत.
भाविकांच्या मते संकीर्तन सप्ताह हा संत विचारांच्या रुजवातीचे आणि संस्कारांचे प्रभावी माध्यम आहे.

*हरिनामाचा गजर जिथे घुमतो,*
*तिथे मनाला शांती लाभते;*
*संत विचारांच्या प्रकाशात,*
*जीवनाला नवी दिशा मिळते…*

*विशेष चौकट*
अखंड हरिनाम सप्ताहातील महाराष्ट्रातून नामवंत कीर्तनकारांची कीर्तन सेवा
दि. २७ मे २०२६ (बुधवार) : श्री. ह.भ.प. रामायणाचार्य रामेश्वर महाराज, पाळधीकर
दि. २८ मे २०२६ (गुरुवार) : श्री. ह.भ.प. बालकीर्तनकार ज्ञानेश्वरजी महाराज, जाऊरकर
दि. २९ मे २०२६ (शुक्रवार) : श्री. ह.भ.प. गुरुवर्य स्वामी अमृताश्रमजी महाराज जोशी, विडकर
दि. ३० मे २०२६ (शनिवार) : ह.भ.प. भागवताचार्य सोनाली देवी कर्पे, चक्रवेदकर
दि. ३१ मे २०२६ (रविवार – पौर्णिमा विशेष) : श्री. ह.भ.प. धर्मभूषण संग्रामजी बापू महाराज, भंडारे, आळंदीकर
दि. ०१ जून २०२६ (सोमवार) : श्री. ह.भ.प. युवाचार्य संतोषजी महाराज, आठवणे समर्पण आश्रम, कुंभारी
दि. ०२ जून २०२६ (मंगळवार) : श्री. ह.भ.प. कीर्तनकेसरी अक्रूरजी महाराज, साखरे, गेवराईकर
दि. ०३ जून २०२६ (बुधवार – काल्याचे कीर्तन) : श्री. ह.भ.प. गौ. प्रेमी गजाननजी महाराज, वरसाडेकर

*दैनिक कार्यक्रम* सकाळी ५ ते ६ काकडा आरती • सायंकाळी ५ ते ६ हरिपाठ • रात्री ८ ते १० कीर्तन कार्यक्रम

या सात दिवसीय आध्यात्मिक पर्वाचा लाभ घेण्यासाठी सर्व भाविकांनी मोठ्या संख्येने उपस्थित राहावे, असे आवाहन आयोजकांकडून करण्यात आले आहे.

पाळधीतील हा अखंड हरिनाम सप्ताह म्हणजे भक्ती, अध्यात्म, संस्कार आणि समाजएकतेचा एक संस्मरणीय उत्सव ठरणार असल्याची भावना सर्व स्तरांतून व्यक्त होत आहे.