💥*आज पालकमंत्री गुलाबराव पाटील यांचा वाढदिवस; विविध लोकोपयोगी उपक्रमांसह पाळधी येथील गांधी चौकात जाहीर सभेचे आयोजन*💥 🚩शिवसेना नेते तथा खासदार डॉ. श्रीकांत शिंदे यांची राहणार उपस्थिती🚩

*आज पालकमंत्री गुलाबराव पाटील यांचा वाढदिवस; विविध लोकोपयोगी उपक्रमांसह पाळधी येथील गांधी चौकात जाहीर सभेचे आयोजन*

शिवसेना नेते तथा खासदार डॉ. श्रीकांत शिंदे यांची राहणार

*पाळधी/धरणगाव/ जळगाव, प्रतिनिधी दि. ४ जून : राज्याचे पाणीपुरवठा व स्वच्छता मंत्री, जळगाव जिल्ह्याचे पालकमंत्री, शिवसेनेचे ज्येष्ठ नेते आणि आपल्या दमदार वक्तृत्वाने महाराष्ट्राच्या राजकारणात स्वतंत्र ओळख निर्माण करणारे आदरणीय गुलाबरावजी पाटील यांचा आज वाढदिवस उत्साहात साजरा होत आहे. यानिमित्त विविध समाजोपयोगी कार्यक्रम, लोकोपयोगी उपक्रम आणि पाळधी येथे गांधी चौकात भव्य जाहीर सभेचे आयोजन करण्यात आले आहे.

विशेष म्हणजे, शिवसेनेचे नेते, कुशल संसदपटू आणि खासदार डॉ. श्रीकांत शिंदे हे आज जळगावात उपस्थित राहून पालकमंत्री गुलाबराव पाटील यांना वाढदिवसाच्या शुभेच्छा देणार आहेत. त्यामुळे या कार्यक्रमाला विशेष महत्त्व प्राप्त झाले आहे.

वाढदिवसानिमित्त पालकमंत्री गुलाबराव पाटील हे सकाळी ८ ते ११ वाजेपर्यंत तसेच दुपारी ४ ते ७ वाजेपर्यंत जीपीएस कॅम्प ग्राउंड येथे नागरिक, कार्यकर्ते, हितचिंतक आणि शुभेच्छुकांकडून शुभेच्छा स्वीकारणार आहेत. त्यानंतर सायंकाळी ७.१५ वाजता गांधी चौकात भव्य जाहीर सभा आयोजित करण्यात आली असून, या सभेला खासदार डॉ. श्रीकांत शिंदे यांची प्रमुख उपस्थिती लाभणार आहे.

पालकमंत्र्यांचा वाढदिवस आणि आयोजित जाहीर सभा यामुळे परिसरात उत्साहाचे वातावरण निर्माण झाले आहे.
याचबरोबर विविध सामाजिक आणि लोकोपयोगी उपक्रमांचे आयोजन करण्यात आले आहे.

शुभेच्छा देण्यासाठी येणाऱ्या नागरिकांनी, कार्यकर्त्यांनी व हितचिंतकांनी हार, फुलांचे गुच्छ, केक अथवा इतर स्वागत साहित्य आणू नये. त्याऐवजी समाजोपयोगी कार्याला प्राधान्य देत साधेपणाने शुभेच्छा द्याव्यात, असे आवाहन करण्यात आले आहे.

शिवसैनिक, पदाधिकारी, कार्यकर्ते, नागरिक, युवक, महिला तसेच सर्व शुभेच्छुकांनी उपस्थित राहून सायंकाळच्या जाहीर सभेला उपस्थित राहावे असे आवाहन जळगाव ग्रामीण विधानसभा मतदारसंघातील शिवसेना, युवासेना, महिला आघाडी, लोकप्रतिनिधी व पदाधिकारी व तमाम शिवसैनिकांच्या वतीने करण्यात आले आहे.