🌪️*गिरणा धरणातून उद्या पिण्याच्या पाण्याचे शेवटचे आवर्तन - पालकमंत्री गुलाबराव पाटील यांच्या निर्देशानुसार प्रशासन सज्ज;* भडगाव ते कानळदा परिसराला मिळणार मोठा दिलासा🌪️

*गिरणा धरणातून उद्या पिण्याच्या पाण्याचे शेवटचे आवर्तन – पालकमंत्री गुलाबराव पाटील यांच्या निर्देशानुसार प्रशासन सज्ज;*
भडगाव ते कानळदा परिसराला मिळणार मोठा दिलासा

*पाळधी/जळगाव, प्रतिनिधी दि. १९ : जिल्ह्यातील नागरिकांना उन्हाळ्याच्या अखेरच्या टप्प्यात पिण्याच्या पाण्याची टंचाई भासू नये यासाठी पालकमंत्री गुलाबराव पाटील यांच्या निर्देशानुसार गिरणा धरणातून पिण्याच्या पाण्याचे बिगर सिंचन पाणी वापराचे शेवटचे आवर्तन उद्या शनिवार, दि. २० जून रोजी सकाळी ६ वाजता सोडण्यात येणार आहे.*

यावेळी गिरणा नदीपात्रात २००० क्युसेक्स (५६.६३ क्युमेक्स) इतका विसर्ग करण्यात येणार असून
जिल्हा प्रशासन, महसूल विभाग आणि जलसंपदा विभाग यांच्या संयुक्त नियोजनातून हे आवर्तन सोडण्यात येत आहे.*भडगाव, पाचोरा, दहिगाव बंधारा ते कानळदा परिसरापर्यंत* या आवर्तनाचा लाभ होणार असल्याने या भागातील नागरिकांना मोठा दिलासा मिळणार आहे.

पिण्याच्या पाण्याची उपलब्धता कायम राहावी यासाठी पालकमंत्री गुलाबराव पाटील यांनी सातत्याने पाठपुरावा करून प्रशासनाला आवश्यक त्या सूचना दिल्या असून, या आवर्तनामुळे जिल्ह्यातील पाणीपुरवठा व्यवस्थेला महत्त्वाचा आधार मिळणार आहे.

Related Posts