🔥 *पाळधी पोलीस इमारत सुरक्षिततेचे मंदिर* *पालकमंत्री गुलाबराव पाटील* *उत्तर महाराष्ट्रातील पहिले* *लिफ्टयुक्त पोलीस स्टेशन उभे* *4 कोटी 23 लक्ष रुपये मंजूर करून पोलीस स्टेशन उभे करण्याचे स्वप्न साकार* 🔥

*पाळधी पोलीस इमारत सुरक्षिततेचे मंदिर – पालकमंत्री गुलाबराव पाटील*

उत्तर महाराष्ट्रातील पहिले ‘लिफ्टयुक्त’ पोलीस स्टेशन उभे

*पाळधी/जळगाव प्रतिनिधी, दि. १८ ऑक्टोबर – पूर्वी कार्यकर्ता म्हणून आंदोलनात पोलिसांशी सामना व्हायचा, आज मंत्री म्हणून त्यांच्या बळकटीसाठी काम करण्याची संधी मिळतेय, हे माझं भाग्य आहे. जिल्ह्यातील पोलिसांसाठी निधीची कमतरता भासू दिली नाही आणि पुढेही भासू देणार नाही. ‘पाळधी दूरक्षेत्र’ ही इमारत म्हणजे सुरक्षिततेचे मंदिर आहे. डीपीडीसीमार्फत चार कोटी तेवीस लाख रुपये मंजूर करून हे स्वप्न साकार केलं आहे. मी नेहमी सांगतो, जनता आणि पोलिसांमध्ये भीतीचं नाही तर विश्वासाचं नातं असावं. नागरिक पोलीस स्टेशनमध्ये आला, तर त्याला आधार, आदर आणि आत्मविश्वास वाटावा – हाच या नव्या इमारतीचा खरा उद्देश आहे, असे प्रतिपादन पालकमंत्री गुलाबराव पाटील यांनी केले.*

*पोलीस स्टेशनची वैशिष्ट्ये*
धरणगाव पोलीस स्टेशन अंतर्गत पाळधी पोलीस दूरक्षेत्राच्या नव्या दुमजल्याच्या भव्य इमारतीचे लोकार्पण जिल्ह्याचे पालकमंत्री गुलाबराव पाटील यांच्या हस्ते करण्यात आले.
५ हजार चौरस फूट जागेत उभारलेल्या या इमारतीत 14 दालनासह आधुनिक सुविधा, सुसज्ज फर्निचर, सोलर सिस्टीम, रेन वॉटर हार्वेस्टिंग, वातानुकूलित कार्यालयीन व्यवस्था, तसेच लिफ्टसह उत्तर महाराष्ट्रातील पहिले पोलीस स्टेशन ही खास ओळख मिळाली आहे.

यावेळी जिल्हा पोलीस अधीक्षक डॉ. महेश्वर रेड्डी म्हणाले की, माझ्या कारकिर्दीतील ग्रामीण भागातील लिफ्ट असलेले हे पहिले पोलीस स्टेशन आहे आणि तेही पालकमंत्र्यांच्या पुढाकाराने उभे राहिले, याचा मला अभिमान आहे. जिल्ह्यातील पोलिसांचे बळकटीकरण व्हावे यासाठी त्यांनी घेतलेले पुढाकार अनमोल आहेत.
फोर व्हीलरपासून टू व्हीलर आणि शेवटच्या पोलीस घटकांपर्यंत बळकटीकरणाचे कार्य यशस्वीपणे होत आहे, असे त्यांनी सांगितले.

तर जिल्हाधिकारी रोहन घुगे यांनी मनोगतात सांगितले की, “पोलीस बांधव हे सण-उत्सव असो किंवा आपत्कालीन प्रसंग, रात्रंदिवस जनता सेवेत तत्पर असतात. त्यामुळे त्यांच्यासाठी आधुनिक, सुसज्ज पोलीस स्टेशन उभारले जाणे हे जनतेच्या सुरक्षिततेसाठी आणि त्यांच्या सन्मानासाठी महत्त्वाचे पाऊल आहे,” असे त्यांनी नमूद केले.

*यांची होती उपस्थिती*
यावेळी जिल्हाधिकारी रोहन घुगे, पोलीस अधीक्षक डॉ. माहेश्र्वर रेड्डी, अप्पर पोलीस अधीक्षक कविता नेरकर, उप विभागीय पोलिस अधिकारी अण्णासाहेब घोलप, जि.प. चे माजी सदस्य प्रतापराव पाटील, सा. बां. चे कार्यकारी अभियंता सुभाष राऊत, उप कार्यकारी अभियंता एस. डी. पाटील, सरपंच विजय पाटील, सौ. लक्ष्मी कोळी, पोलिस निरीक्षक सुनिल पवार, सहायक पोलीस निरीक्षक प्रशांत कंडारे, सा.बां. चे शाखा अभियंता सचिन सपकाळे, लोकेश माळी, जितेंद्र कोळी, गव्हर्मेंट कॉन्टॅक्टर एम. एस. जैन, उद्योगपती शरदचंद्र कासट, तालुका प्रमुख डी. ओ. पाटील, माजी सभापती मुकुंदराव नन्नवरे, खंडारे यांच्यासह पोलीस वृंद आणि ग्रामस्थ मोठया संख्येने उपस्थित होते.

कार्यक्रमाचे सूत्रसंचालन प्रा. दीपक पवार यांनी केले, आभार प्रदर्शन पोलीस निरीक्षक सुनिल पवार यांनी केले.
कार्यक्रमाचे नियोजन जि.प. माजी सदस्य प्रतापराव पाटील यांनी सूक्ष्मपणे केले होते.