💥 *भाऊबीजेच्या शुभदिनी चोपड्यात भावबंधाचे सोहळे* 💥 💥 *पालकमंत्री गुलाबराव पाटील यांनी बहिणी निर्जलाताई देशमुख व सुशिलाताई गुजर यांच्या कडे जाऊन साजरी केली भाऊबीज* 💥

भाऊबीजेच्या शुभदिनी चोपड्यात भावबंधाचे सोहळे 🌸

*पालकमंत्री गुलाबराव पाटील यांनी बहिणी निर्जलाताई देशमुख व सुशीलाताई गुजर यांच्याकडे जाऊन साजरी केली भाऊबीज*

*चोपडा /जळगाव प्रतिनिधी दि. 23 ऑक्टोंबर – पाणीपुरवठा व स्वच्छता मंत्री तथा पालकमंत्री गुलाबराव पाटील यांनी यावर्षीची भाऊबीज अत्यंत आपुलकीच्या वातावरणात चोपडा येथे आपल्या दोन्ही बहिणी – सौ. निर्जलाताई देशमुख आणि सौ. सुशीलाताई गुजर यांच्या घरी साजरी केली. यावेळी उपस्थित कुटुंबीय आणि मान्यवरांच्या उपस्थितीत भावंडांतील प्रेम, स्नेह आणि आत्मियतेचा सुंदर संगम पाहायला मिळाला.*

या प्रसंगी नगरसेवक आबा देशमुख, राजाराम पाटील, भैय्या पवार, विजय देशमुख, भरत देशमुख तसेच गुजर व देशमुख परिवारातील सदस्य मोठ्या उत्साहात उपस्थित होते. बहिणींनी आरती ओवाळून आपल्या भावाला दीर्घायुष्याचे आशीर्वाद दिले, तर पालकमंत्री पाटील यांनीही त्यांना पारंपरिक भेटवस्तू देऊन स्नेहाचा ऋण व्यक्त केला.

*यावेळी आपल्या खास शैलीत बोलताना पालकमंत्री गुलाबराव पाटील म्हणाले की, “राखी असो वा भाऊबीज – हा फक्त उत्सव नाही, हा भावनांचा उत्सव आहे. समाजात कोणताही दर्जा असो, पण बहिणीच्या ओवाळणीसमोर सर्व सत्तेचे वैभवही क्षीण वाटते. आई – वडिलांच्या आशीर्वादासोबतच बहिणींच्या मनातील प्रार्थना हेच माझं खरे बळ आहे.*

वर्षानुवर्षे हा सोहळा चोपडा आणि पिंप्री येथे माझ्या तिन्ही बहिणींकडे आलटून-पालटून साजरा करण्याची परंपरा कायम ठेवली आहे, कारण या नात्यांमध्येच माझ्या आयुष्याची खरी श्रीमंती असल्याची भावना पालकमंत्री गुलाबराव पाटील यांनी व्यक्त केली.

*कौटुंबिक प्रेमाचा आदर्श*
राजकारण, मंत्रीपद आणि जबाबदाऱ्यांच्या गडबडीत असूनही दरवर्षी रक्षाबंधन आणि भाऊबीजेच्या निमित्ताने बहिणींना भेट देण्याची परंपरा पालकमंत्री गुलाबराव पाटील यांनी अखंड ठेवली आहे.
कौटुंबिक नात्यांना महत्व देणारा नेता म्हणून पालकमंत्री गुलाबराव पाटील हे केवळ राजकारणात नव्हे, तर मानवी संबंधांच्या जपणुकीतही आदर्श ठरले आहेत.