💥 *विकासाच्या बळावर नशिराबाद नगरपालिकेवर महायुतीचा भगवा झेंडा फडकणार* *पालकमंत्री गुलाबराव पाटील यांचा ठाम विश्वास* *राष्ट्रवादीच्या शेकडो कार्यकर्त्यांचा पंकज महाजन ,लीना महाजन व कैलास व्यवहारे यांच्या नेतृत्वाखाली शिवसेनेत प्रवेश* 💥

*विकासाच्या बळावर नशिराबाद नगरपालिकेवर महायुतीचा भगवा झेंडा फडकणार !*
पालकमंत्री गुलाबराव पाटील यांचा ठाम विश्वास

राष्ट्रवादीच्या शेकडो कार्यकर्त्यांचा पंकज महाजन, लीना महाजन व कैलास व्यवहारे यांच्या नेतृत्वाखाली शिवसेनेत प्रवेश

*नशिराबाद / जळगाव प्रतिनिधी दि. ९ नोव्हेंबर – “नशिराबाद म्हणजे एकतेचं प्रतीक आहे. सगळे जाती धर्माच्या नशिराबाद करांची एकजूट, हीच खरी ताकद आहे. मी नशिराबादवर प्रेम केलं ते शब्दांत नाही, तर कृतीतून दाखवलं. नशिराबादचा चेहरामोहरा बदलवायचा, हा माझा संकल्प आहे. विकासाच्या बळावर आणि जनतेच्या आशीर्वादाने नशिराबाद नगरपालिकेवर महायुतीचा भगवा झेंडा नक्की फडकणार ! असा ठाम विश्वास शिवसेनेचे जेष्ठ नेते व जिल्ह्याचे पालकमंत्री गुलाबराव पाटील यांनी व्यक्त केला.*

*शिवसेनेचा मेळावा उत्साहात संपन्न*
नशिराबाद येथे शिवसेना (शिंदे गट) चा प्रचंड उत्साहात झालेला मेळावा आज पार पडला. या मेळाव्यात राष्ट्रवादी काँग्रेस (शरद पवार गट) मधील शेकडो कार्यकर्त्यांनी शिवसेनेच्या नेतृत्वावर विश्वास ठेवत शिवसेनेत प्रवेश केला. या कार्यक्रमात रा.काँ.चे माजी जिल्हा उपाध्यक्ष व विधानसभा क्षेत्र प्रमुख पंकज महाजन, माजी जिल्हा परिषद सदस्या लीना महाजन, माजी ग्रा.पं. सदस्य कैलास व्यवहारे, तसेच निलेश रोटे, रोहित पाटील, चंद्रकांत पाटील, अनिल वाघुळदे, किरण चौधरी, राजू कोष्टी, कल्पेश भावसार, चारू पाटील, शैला व्यवहारे, कोमल नारखेडे, नरेंद्र भारंबे, पंकज नारखेडे, चिंतामण तिडके यांच्यासह असंख्य कार्यकर्त्यांनी पालकमंत्री गुलाबराव पाटील यांच्या हस्ते भगवा रुमाल परिधान करून शिवसेनेत प्रवेश केला.

*व्यासपीठावर मान्यवरांची मोठी फळी*
मेळाव्यातील कार्यक्रमाचे प्रास्ताविकात माजी सरपंच विकास पाटील यांनी सांगितले की, हिंदू-मुस्लीम यांची एकजूट ठेवून काम करणाऱ्याच्या पाठीशी उभे राहावे. सूत्रसंचालन डी.एस. पाटील सर यांनी केले, तर आभार प्रदर्शन शहरप्रमुख विकास धनगर यांनी मानले. व्यासपीठावर शिवसेनेचे जिल्हाप्रमुख व माजी महापौर विष्णू भंगाळे, तालुकाप्रमुख शिवराज पाटील, शहरप्रमुख विकास धनगर, माजी सरपंच विकास पाटील, ह.भ.प. सुनील शास्त्री महाराज, चंद्रकांत भोळे, कैलास नेरकर, चेतन बऱ्हाटे, प्रकाश महाजन, लीना महाजन, सरला महाजन, सलीम मास्टर, एकनाथ नाथ, असलम सर, कैलास व्यवहारे, सत्तार पहिलवान, नगरसेवक कुंदन काळे, हर्षल मावळे आदी मान्यवरांची उपस्थिती होती.

*१९९०-९१ च्या बॅचमार्फत ५० विद्यार्थ्यांकडून गुलाबभाऊंचा भावनिक सत्कार*
कार्यक्रमात एक अनोखा व हृदयस्पर्शी क्षण घडला – पंकज महाजन यांच्या दहावीच्या (१९९०-९१) बॅचमधील ५० पेक्षा जास्त विद्यार्थ्यांनी पालकमंत्री गुलाबराव पाटील यांचा जाहीर सत्कार केला.

*उशीर झाला पण आता जीव ओतून काम करणार”- पंकज महाजन*
शिवसेनेत प्रवेशानंतर पंकज महाजन म्हणाले – शिवसेनेत यायला उशीर झाला, ही माझी चूक. गुलाबभाऊंचं नशिराबादसाठीचं योगदान पाहून अभिमान वाटतो. त्यांनी निवडणुकीपूर्वीच २०० पेक्षा जास्त कोटींहून अधिक निधी मंजूर करून नशिराबादचा विकास प्रत्यक्ष दाखवला. ‘शिवसृष्टी’ मंजूर करून गावाला नवं रूप दिलं जात आहे. आता त्यांच्या मार्गदर्शनाखाली काम करून नशिराबादचा सर्वांगीण विकास हेच माझं ध्येय असल्याचे सांगितले.

*”गुलाबभाऊ” म्हणजे विकासाचे महामेरू – जिल्हाप्रमुख विष्णू भंगाळे*
जिल्हाप्रमुख व माजी महापौर विष्णू भंगाळे म्हणाले की, “गुलाबभाऊ म्हणजे जळगाव ग्रामीणचा अभिमान आणि विकासाचे महामेरू आहेत. त्यांनी जातीपातीचा विचार न करता जनतेच्या विश्वासावर काम केलं आहे. नशिराबादकरांनी आज भगवा झेंडा फडकवण्याचा संकल्प केला आहे आणि तो निश्चितच पूर्ण होईल. गुलाबभाऊ म्हणजे विकासाचं व्हिजन आणि जनतेचा आत्मविश्वास आहेत. नियोजनबद्ध पद्धतीने प्रत्येक कार्यकर्त्याने कामाला लागावं. प्रत्येक घरात धनुष्यबाणाचा निशाण पोहोचवायचं आहे. असे कार्यकर्त्यांना त्यांनी आवाहन केलं.

*शिवसेनेची उमेदवारी चाचपणी – मुस्लीम कार्यकर्त्यांचा उत्साही सहभाग*
मेळाव्यापूर्वीच नशिराबाद नगरपालिकेसाठी शिवसेनेच्या उमेदवारांच्या मुलाखती घेण्यात आल्या.
जिल्हाप्रमुख भंगाळे यांनी सांगितले की, पालकमंत्री गुलाबराव पाटील यांच्या मार्गदर्शनाखाली काम करणाऱ्या, लोकमान्यता असलेल्या पात्र व्यक्तींनाच तिकीट दिलं जाणार आहे. विशेष म्हणजे मुस्लीम कार्यकर्त्यांसह शेकडो इच्छुक उमेदवारांनी धनुष्यबाण चिन्हावर लढण्यासाठी मोठ्या उत्साहाने मुलाखती दिल्या, यावरून नशिराबादमध्ये महायुतीबद्दलचा वाढता जनसमर्थनाचा झरा स्पष्ट दिसला. या प्रसंगी तालुका प्रमुख शिवराज पाटील, शहर प्रमुख विकास धनगर, माजी सरपंच विकास पाटील, युवासेनेचे चेतन बऱ्हाटे, पंकज महाजन व प्रमुख पदाधिकारी उपस्थित होते.