*नशिराबाद शिवसेना (शिंदे गट) प्रभारी शहराध्यक्षपदी चंद्रकांत पाटील यांची नियुक्ती*
*नशिराबाद | प्रतिनिधी | दि. २५ नोव्हेंबर शिवसेनेचे ज्येष्ठ नेते व जलगाव जिल्ह्याचे पालकमंत्री ना. गुलाबराव पाटील यांच्या मार्गदर्शनाखाली नशिराबाद येथील सामाजिक क्षेत्रात सक्रिय असलेले व शिवसेना (शिंदे गट) चे निष्ठावंत कार्यकर्ते चंद्रकांत रघुनाथ पाटील यांची नशिराबाद शिवसेना (शिंदे गट) प्रभारी शहराध्यक्षपदी नियुक्ती करण्यात आली आहे. ही नियुक्ती शिवसेना (शिंदे गट) जिल्हा प्रमुख विष्णू भंगाळे यांनी अधिकृत नियुक्तीपत्र देऊन घोषित केली.*
नशिराबाद शहरात शिवसेनेचे संघटन अधिक मजबूत करण्याची जबाबदारी चंद्रकांत पाटील यांच्यावर सोपविण्यात आली असून त्यांच्या निवडीमुळे स्थानिक शिवसैनिकांत उत्साहाचे वातावरण निर्माण झाले आहे. यावेळी प्रतिक्रिया देताना चंद्रकांत पाटील म्हणाले, “शिवसेनेच्या ध्येय-धोरणानुसार व विचारांनुसार तसेच पालकमंत्री ना. गुलाबराव पाटील यांच्या नेतृत्वाखाली नशिराबादमध्ये शिवसेनेची ताकद वाढविण्यासाठी प्रामाणिक प्रयत्न करणार आहे.”
त्यांच्या नियुक्तीबद्दल पालकमंत्री गुलाबराव पाटील, जिल्हा प्रमुख विष्णू भंगाळे, तालुका प्रमुख शिवराज पाटील, युवा नेतृत्व व माजी जिल्हा परिषद सदस्य प्रतापराव पाटील, माजी सरपंच विकास पाटील, पंकज महाजन, चेतन बऱ्हाटे यांच्यासह अनेक पदाधिकारी व लोकप्रतिनिधींनी अभिनंदन करून पुढील वाटचालीस शुभेच्छा दिल्या.