🔥*मुख्यमंत्री ग्रामसडक योजना म्हणजे शेतकऱ्यांच्या घामाला बाजारापर्यंत नेणारी जीवनवाहिनी – पालकमंत्री गुलाबराव पाटील*🔥 धरणगाव तालुक्यात २४ कोटींच्या निधीतून ५ रस्त्यांचे भूमिपूजन; २५ किमी विकासाची वाट खुली

*मुख्यमंत्री ग्रामसडक योजना म्हणजे शेतकऱ्यांच्या घामाला बाजारापर्यंत नेणारी जीवनवाहिनी – पालकमंत्री गुलाबराव पाटील*

धरणगाव तालुक्यात २४ कोटींच्या निधीतून ५ रस्त्यांचे भूमिपूजन; २५ किमी विकासाची वाट खुली

*पाळधी / धरणगाव / जळगाव प्रतिनिधी | दि. २४ जानेवारी – मुख्यमंत्री ग्रामसडक योजना ही शेतकऱ्यांच्या घामाला थेट बाजारापर्यंत पोहोचवणारी जीवनवाहिनी असून, माझी प्राथमिकता आजही शेतकऱ्यांची बैलगाडी व शेतीच्या रस्त्यांनाच आहे, कारण याच चाकांवर ग्रामीण अर्थव्यवस्था फिरते; रस्ता हा शेतकऱ्याचा पहिला हक्क आहे आणि तो हक्क देण्यासाठी मुख्यमंत्री ग्रामसडक योजना खऱ्या अर्थाने काम करत आहे, असे ठाम प्रतिपादन पालकमंत्री तथा पाणीपुरवठा व स्वच्छता मंत्री गुलाबराव पाटील यांनी केले. निमखेडा, खामखेडा, झुरखेडा, वाकटुकी, चमगाव व निंभोरा परिसरातील ही विकासकामे या भागाच्या भविष्यासाठी मोलाची ठरणार असून, हे रस्ते केवळ प्रवाशांसाठीच नव्हे तर शेतकऱ्यांच्या स्वप्नांना दिशा देणारे ठरणार आहेत, असा विश्वासही पालकमंत्री पाटील यांनी व्यक्त केला.*

धरणगाव तालुक्यात मुख्यमंत्री ग्रामसडक योजनेअंतर्गत सुमारे २४ कोटी रुपयांच्या निधीतून ५ महत्त्वाच्या रस्त्यांच्या कामांसह विविध विकासकामांचे भूमिपूजन व लोकार्पण करण्यात आले असून, यामुळे सुमारे २२ ते २५ किलोमीटर लांबीचे रस्ते दर्जेदार डांबरीकरण व काँक्रिटीकरणातून विकसित होणार आहेत. भूमिपूजन झालेल्या रस्त्यांमध्ये झुरखेडा–खपाट ते पिंपळेसिम (५ किमी), चोरगाव–खामखेडा (२.३२ किमी), निंभोरा–खामखेडा (३.८० किमी), वाकटुकी–चमगाव (५ किमी) आणि प्रजिमा-५७ निंभोरा–चोरगाव (३ किमी) या रस्त्यांचा समावेश असून, या मार्गांवर मोऱ्या, पाईप व स्लॅब बांधकामासह गावाजवळ काँक्रिटीकरण करण्यात येणार आहे. या रस्त्यांमुळे गावोगावी व वाड्या-वस्त्यांजवळ दळणवळण सुलभ होणार असून, पावसाळ्यातील चिखल, वाहतुकीतील अडचणी व धोके कमी होऊन शेतकऱ्यांना बाजारपेठेत पोहोचणे सोपे होणार आहे.

यावेळी निमखेडा येथे स्मशानभूमी सुशोभीकरणाचे लोकार्पण, गावांतर्गत काँक्रिटीकरण; तारखेडा येथे अंगणवाडी इमारत बांधकाम; झुरखेडा येथे गावांतर्गत काँक्रिटीकरण, स्मशानभूमी पोहोच रस्ता, सभामंडप व स्मशानभूमी बांधकामाचे भूमिपूजन; तीन साठवण बंधाऱ्यांचे लोकार्पण; वाकटुकी येथे गावांतर्गत काँक्रिटीकरण; खामखेडा येथे सभामंडप बांधकाम, स्मशानभूमी संरक्षण भिंत व गावांतर्गत काँक्रिटीकरण; तसेच निंभोरा येथे महादेव मंदिरास सभामंडप, ग्रामपंचायत इमारत व कार्यालय बांधकाम, एलईडी पद्धतीने स्ट्रीट लाईट बसवणे आणि अंगणवाडी बांधकाम अशा विविध विकासकामांचे भूमिपूजन व लोकार्पण पालकमंत्री गुलाबराव पाटील यांच्या हस्ते करण्यात आले.

कार्यक्रमाचे सूत्रसंचालन शिवसेनेचे तालुकाप्रमुख डी. ओ. पाटील यांनी केले. प्रास्ताविक जिल्हा परिषद सदस्य प्रतापराव पाटील यांनी केले, तर आभार माध्यमिक शिक्षण जिल्हाप्रमुख रवींद्र चव्हाण सर यांनी मानले.

*यांची होती उपस्थिती*
तालुकाप्रमुख डी. ओ. पाटील, भाजप उपाध्यक्ष पी. सी. आबा पाटील, माजी सभापती प्रेमदास पाटील, गजानन नाना पाटील, रवींद्र चव्हाण सर, भगवान सोनवणे, नायब तहसीलदार लक्ष्मण सातपुते, गटविकास अधिकारी के. व्ही. वानखेडे, मुख्यमंत्री ग्रामसडक योजनेचे उपअभियंता जितेंद्र सोनवणे, शाखा अभियंता विशाल पाटील, संबंधित गावांचे पोलीस पाटील, सरपंच ईश्वर पाटील, सुरेश पाटील, गुमानबाई भिल, उपसरपंच शरद कोळी, बबन पाटील, विजय पाटील, माजी सरपंच कैलास सोनवणे, युवा सेनेचे पवन पाटील, दीपक भदाणे, जीवन पाटील, पुरुषोत्तम पाटील, बाबुराव कोळी, दगाअण्णा पाटील, भगवान गायकवाड, कांतीलाल चौधरी, सुरेश चौधरी, विजय जाधव, रवींद्र पाटील, विकास सोसायटी चेअरमन ज्ञानेश्वर पाटील, चेतन पाटील, नाटेश्वर पवार, जीवन पाटील, पुरुषोत्तम पाटील,ग्रामसेवक शामसुंदर पाटील, विठ्ठल पाटील, रवींद्र निळे यांच्यासह शिवसेना – भाजप पदाधिकारी, कार्यकर्ते व ग्रामस्थ मोठ्या संख्येने उपस्थित होते.