🔥*जळगाव जिल्हा सौर ऊर्जा स्वावलंबनाकडे – पालकमंत्री गुलाबराव पाटील* 🔥 बोरगावात ३ मेगावॅट सौर प्रकल्पाचे पालकमंत्र्यांच्या हस्ते लोकार्पित; ३२१४ शेतकऱ्यांना दिवसा वीज

*जळगाव जिल्हा सौर ऊर्जा स्वावलंबनाकडे – पालकमंत्री गुलाबराव पाटील*

बोरगावात ३ मेगावॅट सौर प्रकल्पाचे पालकमंत्र्यांच्या हस्ते लोकार्पित; ३२१४ शेतकऱ्यांना दिवसा वीज

*बोरगाव / धरणगाव / जळगाव प्रतिनिधी | दि. १५ फेब्रुवारी – “गावाची शक्ती हीच माझी ताकद आहे. शेतकऱ्यांचे हित जोपासण्यासाठी वीज, पाणी आणि रस्ते यावरच माझा सर्वाधिक भर आहे. जळगाव ग्रामीण मतदारसंघात सीएसआर फंडातून मोठ्या प्रमाणात नाला खोलीकरण केले जाणार आहे तसेच जांभोरे–विवरे, जामगाव–वाघटुकी, निंभोरा–चोरगाव या शेती रस्त्यांचे कॉंक्रीटीकरण सुरू असून ग्रामीण भागाचा कायापालट होत आहे. रात्री अंधारात पंप चालवण्यासाठी धावपळ करणाऱ्या शेतकऱ्यांना दिलासा देत, जळगाव जिल्ह्याला सौर ऊर्जेच्या माध्यमातून ऊर्जा स्वावलंबनाकडे नेण्याचा संकल्प असल्याचे प्रतिपादन पालकमंत्री ना. गुलाबराव पाटील यांनी पुन्हा एकदा अधोरेखित केला. त्याचप्रमाणे ग्रामस्थांनी घरावर सौर प्रकल्प बसवाणेबाबत आवाहनही पालकमंत्री गुलाबराव पाटील यांनी केले. मुख्यमंत्री सौर कृषी वाहिनी योजना 2.0 व पीएम कुसुम घटक ‘सी’ अंतर्गत बोरगाव बु., बोरगाव खुर्द, विवरे व भवरखेडा परिसरासाठी उभारण्यात आलेल्या ३ मेगावॅट क्षमतेच्या सौर ऊर्जा प्रकल्पाचे लोकार्पण पालकमंत्र्यांच्या हस्ते पार पडले.*

या प्रकल्पामुळे परिसरातील ३२१४ शेतकऱ्यांना दिवसा अखंडित वीजपुरवठा मिळणार असून, रात्रीच्या विजेवरील अवलंबित्व मोठ्या प्रमाणात कमी झाले आहे. सौर ऊर्जेमुळे शेतकऱ्यांचा वीजखर्च घटत असून शेती उत्पादनात वाढ होत असल्याने मुख्यमंत्री सौर कृषी वाहिनी योजना शेतकऱ्यांसाठी वरदान ठरत आहे.

*शेतकऱ्यांच्या वीजप्रश्नासाठी केलेल्या संघर्षाची आठवण करून देताना पालकमंत्री गुलाबराव पाटील म्हणाले की, “एकेकाळी जिल्ह्यात ट्रान्सफॉर्मर वेळेवर मिळत नव्हते. त्या अन्यायाविरोधात काढलेल्या ऐतिहासिक ‘शिंगाडा मोर्चा’मुळे प्रशासनाचे लक्ष वेधले गेले. पालकमंत्री झाल्यानंतर पहिल्याच बैठकीत ट्रान्सफॉर्मरसाठी २० कोटी रुपयांची तरतूद करण्यात आली.”गेल्या पाच वर्षांत DPDC मधून १२५ कोटी रुपये ग्रामीण वीज सुविधांसाठी मंजूर करण्यात आले असून, आता AIIB योजनेतून सुमारे ५०० कोटी रुपयांची वीज पायाभूत कामे मंजूर झाली आहेत. यात नवीन उपकेंद्रे, रोहित्रे, ३३ के.व्ही. व ११ के.व्ही. लाईन, बंच केबल व इतर अनुषंगिक कामांचा समावेश आहे.*

कार्यक्रमाचे सूत्रसंचालन युवासेना उपजिल्हा प्रमुख भैय्या मराठे यांनी केले. प्रास्ताविक उपअभियंता राजेंद्र पाटील यांनी केले तर आभार माजी उपसरपंच नितीन पाटील यांनी मानले.

*यांची होती प्रमुख उपस्थिती*
यावेळी सरपंच दिनकर पाटील, पिंटू माळी, ज्ञानेश्वर मराठे, पिंटू पाटील, महेश मराठे, स्वप्निल पाटील, निंबा कंखरे, सुदाम मराठे, कार्यकारी अभियंता निलेश सोनगिरे, उप अभियंता राजेंद्र पाटील, साई इलेक्ट्रिकचे जनरल मॅनेजर प्रवीण पाटील, माजी सभापती मुकुंदराव नन्नवरे जिजाबराव पाटील प्रेमराज पाटील सचिन पवार अनिल पाटील, माझी जि प सदस्य माधुरीताई अत्तरदे, माजी नगराध्यक्ष पी. एम. पाटील, भाजपाचे ज्येष्ठ नेते डी. जे.पाटील सुभाष पाटील, ॲड. संजय महाजन, उपनगराध्यक्ष विजय महाजन, नगरसेवक भानुदास विसावे, पप्पू कंखरे, वासुदेव चौधरी, पप्पू भावे, नंदू पाटील किशोर मराठे, दीपक पाटील, यांच्यासह शेतकरी, पदाधिकारी व ग्रामस्थ मोठ्या संख्येने उपस्थित होते.