🚓*पाळधी खु येथे दोन ठिकाणी* *झालेल्या घरफोडीत रोख रक्कम व दागिने लंपास* 🚕 नागरिकांमध्ये भीतीचे वातावरण पाळधी पोलीस ठाण्यात भोंगळ कारभार पुन्हा चर्चेत

पाळधी येथे दोन ठिकाणी झालेल्या घरफोडीत रोख रक्कम व दागिने लंपास
नागरीकात भीतीचे वातावरण

पाळधी तालुका _ धरणगाव येथे काल रात्री दोन ठिकाणी झालेल्या घरफोडीत रोख रक्कम व दागिने लंपास झाल्याची घटना घडली. या मुळे येथे एकच खळबळ गावांत उडाली असून नागरीकात भीतीचे वातावरण निर्माण झाले आहे.
येथील साईबाबा नगरातील रहीवासी सुरेश तुकाराम पाटील हे कामा निमित्त अमळनेर येथे गेले होते. त्यांचे घराला कुलुप होते. नेमके याचीच संधी साधून चोरट्यांनी मध्यरात्रीचा सुमारास त्यांचे घरचा कडी कोयंडा तोडून आत प्रवेश केला व तेथील कपाट उघडून त्यात असलेले सोने चांदीचे दागिने व रोख रक्कम घेऊन पोबारा केला. ते आज सकाळी घरी आले असता त्यांना घराचा दरवाजा उघडा दिसला त्यांनी आत प्रवेश करताच घरातील कपाट उघडे दिसले व त्यातील सामान अस्ताव्यस्त पडलेले दिसले व तसेच
भजी गल्ली पाळधी येथील रहीवासी भुषण प्रभाकर पाटील हे घराला खाली कुलुप लावून वरच्या मजल्यावर झोपण्यासाठी गेले होते नेमके याचीच संधी साधून चोरट्यांनी मध्यरात्रीचा सुमारास त्यांचे घरचा कडी कोयंडा तोडून आत प्रवेश केला व कपाटात ठेवलेले दागिने व रोख रक्कम घेऊन पोबारा केला. या दोन्ही घरात मिळुन लाखोंचा ऐवज लंपास करण्यात आला असून तरी उशिरा पाळधी पोलीसात गुन्हा दाखल झाला नव्हता त्या मुळे नेमके काय चोरीस गेले हे कळत नव्हते. मात्र आज दिवसभर पाळधी पोलिसांचा फौज फाटा दोन्ही ठिकाणी गेला होता व त्या परीसरात असलेल्या सी सी टी व्हि ची तपासणी करीत होते. या बाबत पाळधी पोलीसात उशिरा गुन्हा दाखल करण्यात येणार असल्याची माहिती मिळाली आहे.