🔥*पालकमंत्री गुलाबराव पाटील यांचा शिक्षक – शिक्षकेतर कर्मचारी सेनेकडून सत्कार !*🔥 शाळेची वेळ कमी करण्याच्या निर्णयाचे स्वागत

*पालकमंत्री गुलाबराव पाटील यांचा शिक्षक – शिक्षकेतर कर्मचारी सेनेकडून सत्कार !*

शाळेची वेळ कमी करण्याच्या निर्णयाचे स्वागत

*पाळधी /जळगाव प्रतिनिधी दिनांक२८ – जळगाव जिल्ह्याचे पालकमंत्री तथा पाणीपुरवठा व स्वच्छता मंत्री गुलाबराव पाटील यांचा आज त्यांच्या पाळधी येथील निवासस्थानी शिक्षक-शिक्षकेतर कर्मचारी सेना (महिला व पुरुष कार्यकारिणी) यांच्या वतीने सत्कार करण्यात आला. यावेळी शिक्षकांच्या विविध प्रश्नांबाबत चर्चा करण्यात आली. विशेषतः उन्हाळ्यातील तीव्र उष्णतेच्या पार्श्वभूमीवर शाळेची वेळ सकाळी ७.०० ते साडेबारा ऐवजी कमी करण्याची मागणी शिक्षक-शिक्षकेतर सेनेने केली होती. या मागणीची तात्काळ दखल घेत पालकमंत्री गुलाबराव पाटील यांनी जिल्हा परिषदेच्या मुख्य कार्यकारी अधिकारी मीनल करनवाल आणि शिक्षणाधिकारी निलेश पाटील यांना दिलेल्या निर्देशानुसार जिल्हा परिषद प्रशासनाने त्वरीत कार्यवाही करत शाळेची वेळ सकाळी ७.०० ते ११.४५ अशी निश्चित केली. या निर्णयामुळे जिल्हाभरातील शिक्षक व विद्यार्थ्यांमध्ये समाधानाची भावना व्यक्त करण्यात येत असून विविध तालुक्यांमध्ये पालकमंत्री व मुख्य कार्यकारी अधिकारी यांचे आभार व्यक्त केले जात आहे.*

जळगाव जिल्हा राज्यातील सर्वाधिक तापमान असलेल्या जिल्ह्यांपैकी एक असल्याने या निर्णयामुळे विद्यार्थ्यांच्या आरोग्य व हिताचे रक्षण झाले असल्याचे शिक्षकांनी नमूद केले.

*मंत्री गुलाबराव पाटील यांचा कोट*
“जळगाव जिल्ह्यातील उष्णतेचा विचार करता विद्यार्थ्यांचे आरोग्य आणि शिक्षकांचे कामकाज सुलभ होणे अत्यंत महत्त्वाचे आहे. जिल्हा परिषद प्रशासनाने तात्काळ निर्णय घेऊन शाळेची वेळ कमी केली, हा निर्णय विद्यार्थ्यांच्या हिताचा असून भविष्यातही शिक्षकांच्या प्रत्येक प्रश्नाला प्राधान्याने न्याय देण्याची भूमिका कायम राहील.
*-पालकमंत्री गुलाबराव पाटील*

*यांची होती उपस्थिती*

कार्यक्रमाचे प्रास्ताविक केंद्रप्रमुख प्रमोद सोनवणे यांनी केले. सूत्रसंचालन उपशिक्षक नाना पाटील यांनी केले. आभार उपशिक्षक राकेश साळुंखे यांनी मानले. या सत्कारप्रसंगी शिक्षक – शिक्षकेतर कर्मचारी सेनेचे जिल्हाध्यक्ष नरेंद्र (नरू भाऊ) सपकाळे, जिल्हा सरचिटणीस सुगनचंद नाना पाटील, जिल्हा कार्याध्यक्ष हरीश बोंडे, महिला जिल्हाध्यक्ष माधवी चव्हाण, सरचिटणीस ज्योती बोरसे, ज्योती मराठे, योगिता मराठे, प्रियंका कुमावत, सचिन सरकटे, प्रमोद सोनवणे, पवन बारे यांच्यासह जिल्ह्यातील पदाधिकारी मोठ्या संख्येने उपस्थित होते.