💥*मतदार यादी शुद्धीकरणासाठी बीएलएंना शिवसेनेचे विशेष प्रशिक्षण दिले जाणार !*💥 पाळधी/जळगाव, धुळे व नंदुरबार जिल्ह्यांची भव्य विभागीय कार्यशाळा पाळधी येथे उत्साहात संपन्न

*मतदार यादी शुद्धीकरणासाठी बीएलएंना शिवसेनेचे विशेष प्रशिक्षण दिले जाणार !*

पाळधी/जळगाव, धुळे व नंदुरबार जिल्ह्यांची भव्य विभागीय कार्यशाळा पाळधी येथे उत्साहात संपन्न

*जळगाव (प्रतिनिधी) दि. ६ एप्रिल : मतदार यादी शुद्धीकरणाचे महत्त्व अधोरेखित करत, “प्रत्येक पात्र मतदार सुरक्षित राहिला पाहिजे आणि बोगस नावे यादीतून हद्दपार झाली पाहिजेत, हीच लोकशाहीची खरी ताकद आहे,” असे प्रतिपादन निवडणूक आयोगाचे माजी उपायुक्त अविनाश सणस यांनी केले. “…हीच लोकशाहीची खरी ताकद आहे,” असे प्रतिपादन अविनाश सणस यांनी केले. १९५० पासून आतापर्यंत आठ वेळा एसआयआर पार पडले असून, सध्या सुरू असलेले पुनरिक्षण हे नववे असल्याचे” त्यांनी स्पष्ट केले. पुढील काळात प्रत्येक मतदारसंघनिहाय कार्यशाळांच्या माध्यमातून बीएलएंना विशेष प्रशिक्षण दिले जाणार असल्याची माहितीही त्यांनी दिली. शिवसेनेतर्फे आयोजित धरणगाव तालुक्यातील पाळधी येथील सुगोकी लॉन येथे पार पडलेल्या जळगाव, धुळे व नंदुरबार या तीन जिल्ह्यांच्या विभागीय कार्यशाळेत अविनाश सणस बोलत होते.*

महाराष्ट्रात सुरू असलेल्या मतदार याद्यांच्या विशेष सखोल पुनरिक्षण (SIR) अभियानाला शिवसेना (शिंदे गट) कडून राज्यभर वेग देण्यात येत असून, त्याच अनुषंगाने ही विभागीय कार्यशाळा उत्साहपूर्ण वातावरणात पार पडली.
पक्षाचे मुख्य नेते तथा उपमुख्यमंत्री एकनाथ शिंदे यांच्या मार्गदर्शनाखाली हे अभियान राबविण्यात येत असून, शिवसेनेतर्फे प्रत्येक बूथवर BLA नियुक्ती केली जाणार आहे. या बीएलएंना विशेष प्रशिक्षण देऊन मतदार पडताळणी प्रक्रियेत सक्षम व पारंगत केले जाणार आहे. प्रत्येक मतदान केंद्रावर BLO मार्फत सूक्ष्म पडताळणी केली जाणार असून, पक्षस्तरावरही त्यासाठी सक्षम यंत्रणा उभारण्यात येत असल्याचे स्पष्ट करण्यात आले.

१० एप्रिलपर्यंत सर्व बीएलएंची नावे समन्वयकांकडे सादर करण्याच्या सूचना देण्यात आल्या असून, या मोहिमेत कोणतीही ढिलाई झाल्यास पात्र मतदारांची नावे वगळली जाण्याची शक्यता असल्याने सर्व पदाधिकारी, कार्यकर्ते व स्थानिक प्रतिनिधींनी सक्रिय सहभाग नोंदवावा, असे आवाहन शिवसेनेतर्फे करण्यात आले आहे.

*यांची होती विशेष उपस्थिती*
यावेळी शिवसेनेचे राज्य सचिव भाऊ चौधरी, जळगाव लोकसभा संपर्कप्रमुख आमदार दिलीप लांडे, रावेर लोकसभा संपर्कप्रमुख आमदार तुकाराम काते, आ.मंजुळा गावित, अमरावती संपर्कप्रमुख आमदार किशोर आप्पा पाटील, आमदार प्रा. चंद्रकांत सोनवणे, आमदार आमषा पाडवी, माजी खासदार व बीड संपर्कप्रमुख उन्मेश पाटील, माजी आमदार शिरीष दादा चौधरी यांच्यासह जिल्हाप्रमुख रावसाहेब पाटील, विष्णू भंगाळे, समाधान महाजन, वासुदेव पाटील, महिला आघाडी संपर्कप्रमुख सरिताताई कोल्हे-माळी, धुळे जिल्हाप्रमुख सतीश महाले, नंदुरबार जिल्हाप्रमुख राम रघुवंशी आदी मान्यवर मोठ्या संख्येने उपस्थित होते.
कार्यक्रमाचे सूत्रसंचालन जिल्हाप्रमुख विष्णू भंगाळे यांनी तर प्रास्ताविक शिवसेनेचे सचिव भाऊ चौधरी यांनी केले.

या विभागीय कार्यशाळेत जिल्ह्यातील आजी-माजी आमदार, खासदार, जिल्हाप्रमुख, तालुकाप्रमुख, शहरप्रमुख, जिल्हा परिषद पदाधिकारी, सदस्य, पंचायत समिती सभापती व सदस्य तसेच महिला आघाडीच्या पदाधिकाऱ्यांनी मोठ्या संख्येने सहभाग नोंदवला.

या कार्यशाळेचे सूक्ष्म नियोजन शिवसेनेचे ज्येष्ठ नेते तथा पालकमंत्री गुलाबराव पाटील यांच्या मार्गदर्शनाखाली युवा नेते तथा जिल्हा परिषद सदस्य प्रतापराव पाटील व त्यांच्या टीमने केले.