🔶*रक्तदानातून जपली मानवतेची परंपरा” – पालकमंत्री गुलाबराव पाटील यांच्या उपस्थितीत शिबिर उत्साहात संपन्न*🔶 प्रतापराव पाटील यांच्या वाढदिवसानिमित्त ५५ पेक्षा जास्त बाटल्या रक्तसंकलन

*रक्तदानातून जपली मानवतेची परंपरा” – पालकमंत्री गुलाबराव पाटील यांच्या उपस्थितीत शिबिर उत्साहात संपन्न*

प्रतापराव पाटील यांच्या वाढदिवसानिमित्त ५५ पेक्षा जास्त बाटल्या रक्तसंकलन

*पाळधी / जळगाव (प्रतिनिधी) – वाढदिवसासारख्या वैयक्तिक आनंदाच्या क्षणांना सामाजिक कार्याशी जोडणे ही कौतुकास्पद बाब असून रक्तदानासारख्या उपक्रमांमुळे समाजात मानवतेची भावना अधिक दृढ होते. अशा उपक्रमांमधून सेवा आणि संवेदनशीलतेची जाणीव वाढीस लागते असे प्रतिपादन पालकमंत्री गुलाबराव पाटील यांनी केले.*

माजी जिल्हा परिषद सदस्य तथा युवा नेते आणि जिल्ह्याचे पालकमंत्री गुलाबराव पाटील यांचे सुपूत्र प्रतापराव पाटील यांच्या ३५ व्या वाढदिवसानिमित्त आयोजित करण्यात आलेले भव्य रक्तदान शिबिर पाळधी येथे उत्साहपूर्ण वातावरणात संपन्न झाले. या उपक्रमात नागरिकांनी मोठ्या संख्येने सहभाग घेत ५५ पेक्षा जास्त बाटल्या रक्तसंकलन करण्यात आले.

शासकीय विश्रामगृह, पाळधी येथे पार पडलेल्या या शिबिराचा शुभारंभ पाणीपुरवठा व स्वच्छता मंत्री तथा पालकमंत्री गुलाबराव पाटील यांच्या हस्ते करण्यात आला.

या उपक्रमात युवक, कार्यकर्ते व सर्वसामान्य नागरिकांनी उत्स्फूर्त सहभाग नोंदवला.

पालकमंत्री गुलाबराव पाटील यांच्या मार्गदर्शनाने आणि प्रेरणेतून सामाजिक बांधिलकी जपत हा कार्यक्रम यशस्वीरीत्या पार पडला. *यावेळी युवा नेते प्रतापराव पाटील यांच्या हस्ते रक्तदात्यांना पाण्याचे जार व प्रशस्तीपत्रकांचे वाटप करण्यात आले.*

*माझ्या वाढदिवसानिमित्त रक्तदान करून नागरिकांनी व कार्यकर्त्यांनी दाखवलेले प्रेम अमूल्य आहे. रक्तदान हेच खरे जीवनदान असून त्यासाठी रक्तदात्यांचे मनापासून ऋण व्यक्त करीत असल्याची भावना युवा नेते तथा जि. प. सदस्य प्रतापराव पाटील यांनी व्यक्त केली.*

*या शिबिरासाठी प्रतापराव पाटील मित्र परिवार, विक्की बाबा युवा मंच, शिवसेना वैद्यकीय मदत कक्ष, GPS मित्र परिवार, युवासेना जळगाव ग्रामीण तसेच शिवसेना जळगाव ग्रामीण यांचे सहकार्य लाभले तर कार्यक्रमाचे आयोजन बीएम ग्रुप, पाळधी यांच्या वतीने करण्यात आले होते.*

कार्यक्रमाचे सूत्रसंचालन सामाजिक कार्यकर्ते भूषण महाजन यांनी केले, तर आभार प्रदर्शन जीपीएस ग्रुपचे प्रशांत झंवर यांनी मानले.

*यांची होती उपस्थिती*
शिवसेनेचे एरंडोल व अमळनेरचे जिल्हाप्रमुख वासुदेव पाटील, जळगाव शहर व ग्रामीणचे जिल्हाप्रमुख विष्णू भंगाळे, उपमहापौर मनोज चौधरी, उद्योगपती शरद कासट व गोपाल कासट, नगरसेवक कुंदन काळे, ॲड. बबन पोकळे, माजी सभापती सचिन पवार, मुकुंदराव नन्नवरे, युवासेनेचे दीपक भदाणे, सरपंच विजय पाटील व गोपाल पाटील, धरणगावचे पोलीस निरीक्षक श्री. पवार, एपीआय भूषण काटे, धरणगावचे माजी गटनेते पप्पू व्हावे, विलास महाजन, भानुदास विसावे, वाल्मीक पाटील, बुटा पाटील तसेच १०० पेक्षा जास्त वेळा रक्तदान केलेले रक्तदाते मुकुंद गोसावी यांच्यासह जळगाव मतदारसंघातील शिवसेना व युवासेनेचे पदाधिकारी व कार्यकर्ते मोठ्या संख्येने उपस्थित होते.