🔥*गाव विकासासाठी निधीची कमतरता भासू देणार नाही – पालकमंत्री गुलाबराव पाटील*🔥 जळके येथे ग्रामपंचायत कार्यालयाचे लोकार्पण तर दूध डेरी इमारतीचे भूमिपूजन; रामदेववाडी –कुऱ्हाड रस्त्याच्या डांबरीकरणाचा शुभारंभ

*गाव विकासासाठी निधीची कमतरता भासू देणार नाही – पालकमंत्री गुलाबराव पाटील*
जळके येथे ग्रामपंचायत कार्यालयाचे लोकार्पण तर दूध डेरी इमारतीचे भूमिपूजन; रामदेववाडी –कुऱ्हाड रस्त्याच्या डांबरीकरणाचा शुभारंभ

*जळगाव / पाळधी दिनांक 10 मे – जळके येथे पालकमंत्री गुलाबराव पाटील यांच्या हस्ते ग्रामपंचायत कार्यालयाचे लोकार्पण करण्यात आले तसेच नवीन दूध डेरी इमारतीचे भूमिपूजन करण्यात आले. यावेळी फटाक्यांची आतषबाजी, ढोल – ताशांचा गजर व घोषणांनी परिसर दुमदुमून गेला होता. ग्रामपंचायत व दूध डेरीच्या पदाधिकाऱ्यांनी तसेच संचालक मंडळाने पालकमंत्री गुलाबराव पाटील यांचा शाल, श्रीफळ देऊन सत्कार केला.*

कार्यक्रमापूर्वी रामदेववाडी येथे पालकमंत्री गुलाबराव पाटील यांनी मुख्यमंत्री ग्रामसडक योजने अंतर्गत मंजूर रामदेववाडी ते कुऱ्हाडदे या सुमारे 3 कोटी 86 लाख रुपयांच्या 4 किलोमीटर रस्त्याच्या कामाची पाहणी केली. खडीकरण पूर्ण झालेल्या या रस्त्याच्या डांबरीकरणाच्या कामाचा शुभारंभही त्यांच्या हस्ते करण्यात आला.

या रस्त्यामुळे रामदेववाडी व परिसरातील शेतकऱ्यांना मोठा फायदा होणार असल्याने ग्रामस्थांनी समाधान व्यक्त केले.
या रस्त्यावर मोऱ्या, संरक्षण भिंती, खडीकरण, डांबरीकरण व मजबुतीकरणाची कामे होणार असून शेतकऱ्यांना याचा मोठा फायदा होणार आहे.

*यावेळी बोलताना पालकमंत्री गुलाबराव पाटील म्हणाले की, ग्रामपंचायत कार्यालय हे गावाच्या विकासाचे केंद्र असून लोकप्रतिनिधींनी नागरिकांच्या समस्या सोडवण्यासाठी तत्पर राहावे. दुग्ध व्यवसाय हा शेतकऱ्यांना आर्थिक बळ देणारा व्यवसाय असून नवीन दूध डेरीमुळे महिला बचत गट व शेतकऱ्यांना फायदा होईल. शेतकऱ्यांनी शेतीसोबत जोडधंद्याकडेही वळावे, असे आवाहन त्यांनी केले. गावांच्या विकासासाठी निधी कमी पडू देणार नसल्याची ग्वाही देत विटनेर ते वसंतवाडी रस्ता मुख्यमंत्री ग्रामसडक योजनेमध्ये प्रस्तावित करण्यात आल्याचे सांगितले. रामदेववाडी ते कुऱ्हाडदे रस्त्याचे काम पावसाळ्यापूर्वी पूर्ण करण्याच्या सूचना त्यांनी संबंधित अधिकाऱ्यांना दिल्या.*

*यांची होती उपस्थिती*
यावेळी जि. प. सदस्य पवन सोनवणे, दूध संघाचे संचालक रमेशआप्पा पाटील, पी. के. पाटील, उपजिल्हाप्रमुख रवी कापडणे, अनिल भोळे, तालुकाप्रमुख शिवराज पाटील, माजी सभापती राजेंद्र चव्हाण, नंदलाल पाटील, अर्जुन पाटील, धोंडू जगताप, साहेबराव वराडे, सरपंच राजू भैय्या पाटील, उपसरपंच निवृत्ती पाटील, वत्सलाबाई पाटील, सुशीला पाटील, शिल्पा ब्राह्मणे, उज्वला मोरे, , दूध डेरीचे चेअरमन मनिषा पाटील व्हा चेअरमन नवल पाटील, संचालक धनराज पाटील, माणिक पाटील, नेमीचंद जैन, विजय पाटील, नाना पाटील,काशिनाथ पाटील,कवीश्वर पाटील, नारायण पाटील, ठेकेदार निलेश पाटील, शाखा अभियंता वीरेंद्र पाटील, कंत्राटदार वीरू पाटील, रामदेववाडी माजी सरपंच आप्पा राठोड, अरुण चव्हाण, शिलाबाई चव्हाण, जितेंद्र पाटील, गोरख पाटील यांच्यासह परिसरातील सरपंच, ग्रामपंचायत सदस्य, पदाधिकारी, लोकप्रतिनिधी व ग्रामस्थ मोठ्या संख्येने उपस्थित होते.

*यावेळी पोटनिवडणुकीत विटनेर येथील इंदुबाई वाघ व जळके येथील उज्वला मोरे या निवडून आल्याबद्दल त्यांचा सत्कार पालकमंत्री गुलाबराव पाटील यांच्या हस्ते करण्यात आला.*

कार्यक्रमाचे सूत्रसंचालन दूध संघाचे संचालक रमेशआप्पा पाटील यांनी केले. प्रस्ताविक पी. के. पाटील यांनी केले तर आभार सरपंच राजू भैय्या पाटील यांनी मानले.