📌*अंजनी धावली गावांच्या तृष्णेकडे ; अकरा गावांच्या घागरींना मिळाला जीवनदानाचा घोट*📌 सकाळी सुटलेले आवर्तन सायंकाळपर्यंत गावागावांत पोहोचले; नागरिकांत समाधानाचे वातावरण

*अंजनी धावली गावांच्या तृष्णेकडे ; अकरा गावांच्या घागरींना मिळाला जीवनदानाचा घोट*

सकाळी सुटलेले आवर्तन सायंकाळपर्यंत गावागावांत पोहोचले; नागरिकांत समाधानाचे वातावरण

*जळगाव / धरणगाव प्रतिनिधी | दि. १५ मे : धरणगाव तालुक्यातील पाणीटंचाईने त्रस्त ११ गावांच्या घागरींना अखेर अंजनी धरणाच्या पाण्याचा जीवदानाचा घोट मिळत आहे. वाढत्या उन्हामुळे निर्माण झालेल्या तीव्र पाणीटंचाईच्या पार्श्वभूमीवर पालकमंत्री गुलाबराव पाटील यांच्या सूचनेनुसार आज दि. १५ मे रोजी सकाळी साडेसहा वाजेपासून अंजनी धरणातून पिण्याच्या पाण्यासाठी बिगर सिंचन आवर्तन सुरू करण्यात आले. गिरणा पाटबंधारे विभागामार्फत अंजनी नदीपात्रात सोडण्यात आलेले पाणी सायंकाळपर्यंत धरणगाव तालुक्यातील अनेक गावांपर्यंत पोहोचल्याने नागरिकांना मोठा दिलासा मिळाला आहे.*

उन्हाच्या कडाक्यात पाण्यासाठी होणारी भटकंती आणि गावागावातील टंचाईमुळे चिंतेचे वातावरण निर्माण झाले होते. मात्र अंजनीचे पाणी गावा – गावात पोहोचत असल्याने ग्रामस्थांच्या चेहऱ्यावर समाधान दिसून आले.

कल्याण (खु.), वाघळूद, चावलखेडा, पिंपळेसीम, भोद बु., हणमंतखेडे खु., पिंप्री खु., कल्याणेहोळ, भोद खु., हिंगोणे खु. आणि सतखेडा या गावांना या आवर्तनाचा लाभ होणार आहे.

दरम्यान, संबंधित ग्रामपंचायतींचे सरपंच, सदस्य आणि नागरिकांनी पालकमंत्री गुलाबराव पाटील तसेच प्रशासनाचे आभार मानले आहेत. या आवर्तनामुळे ग्रामीण भागातील पिण्याच्या पाण्याचा प्रश्न काही प्रमाणात मार्गी लागल्याची भावना ग्रामस्थांनी व्यक्त केली.

Related Posts