यावेळी युवा नेते तथा माजी जिल्हा परिषद सदस्य प्रतापराव पाटील यांच्या संवेदनशीलतेचे अत्यंत हृदयस्पर्शी उदाहरण पाहायला मिळाले. कीर्तन सोहळ्यासाठी मोठ्या प्रमाणात भाविकांची गर्दी झाल्याने एक लहान मुलगी आपल्या कुटुंबापासून हरवली होती. अचानक आई-वडिलांपासून दूर झाल्याने ती घाबरलेली व रडत होती. ही बाब लक्षात येताच प्रतापराव पाटील यांनी तात्काळ त्या मुलीजवळ जाऊन तिला धीर दिला, तिची विचारपूस करत शांत करण्याचा प्रयत्न केला.
यानंतर त्यांनी कार्यक्रमस्थळी उपस्थित कार्यकर्ते व नागरिकांच्या मदतीने त्या मुलीच्या आई-वडिलांचा शोध सुरू केला. काही वेळातच तिच्या पालकांचा शोध घेण्यात यश आले आणि मुलीला सुरक्षितपणे तिच्या आई-वडिलांच्या स्वाधीन करण्यात आले. आपल्या मुलीला सुखरूप पाहून पालकांच्या डोळ्यांत आनंदाश्रू तरळले.
या प्रसंगामुळे उपस्थित भाविकांनी प्रतापराव पाटील यांच्या माणुसकीपूर्ण, संवेदनशील आणि समाजाभिमुख स्वभावाचे भरभरून कौतुक केले. सामाजिक कार्य हे केवळ भाषणांत नसून प्रत्यक्ष कृतीतून दिसून येते, याची प्रचिती या घटनेतून पुन्हा एकदा आली.
सदरच्या या कार्यात जीपीएस मित्र परिवाराचे जेष्ठ सदस्य प्रशांत झंवर यांनीही महत्त्वपूर्ण सहकार्य करत मुलीच्या पालकांचा शोध घेण्यासाठी मदत केली. त्यांच्या या तत्परतेमुळे एक मोठी चिंता काही क्षणांत दूर झाली आणि कार्यक्रमस्थळी उपस्थितांमध्ये समाधानाचे वातावरण निर्माण झाले.
