👁️*पालकमंत्री गुलाबराव पाटील यांच्या संवेदनशीलतेने* *चिमुकल्याच्या आयुष्यात आला प्रकाश; आव्हाणे येथील मुलाच्या दोन्ही डोळ्यांवर स्वखर्चाने केले ऑपरेशन*👁️

पालकमंत्री गुलाबराव पाटील यांच्या संवेदनशीलतेने चिमुकल्याच्या आयुष्यात आला प्रकाश; आव्हाणे येथील मुलाच्या दोन्ही डोळ्यांवर स्वखर्चाने केले ऑपरेशन
आर्थिक परिस्थिती बिकट असल्याने कुटुंब चिंतेत; मदतीचा हात देत जपली सामाजिक बांधिलकी — उपचारानंतर सय्यद मुस्तफा सय्यद कलीम याने मानले आभार
पाळधी / आव्हाणे (ता. जळगाव) :
सर्वसामान्यांच्या अडचणींना धावून जाणारे नेतृत्व म्हणून ओळख असलेले राज्याचे पाणीपुरवठा व स्वच्छता मंत्री तथा जळगाव जिल्ह्याचे पालकमंत्री आणि जळगाव ग्रामीणचे आमदार मा. ना. गुलाबराव पाटील यांनी पुन्हा एकदा माणुसकीचा आदर्श घालून दिला आहे.
आव्हाणे गावातील सय्यद मुस्तफा सय्यद कलीम या मुलाच्या दोन्ही डोळ्यांच्या उपचारासाठी शस्त्रक्रियेची आवश्यकता होती. मात्र कुटुंबाची आर्थिक परिस्थिती अत्यंत हलाखीची असल्याने महागड्या उपचारांचा खर्च करणे परिवारासाठी शक्य नव्हते. मुलाच्या भविष्याची चिंता कुटुंबीयांना सतावत होती.
ही बाब गुलाबराव पाटील साहेब यांच्या निदर्शनास येताच त्यांनी तातडीने पुढाकार घेतला. मुलाच्या दोन्ही डोळ्यांच्या ऑपरेशनचा संपूर्ण खर्च स्वतः उचलत त्याला नव्या आयुष्याची आशा दिली. त्यांच्या या मदतीमुळे उपचार यशस्वी झाले असून आता मुलाच्या दोन्ही डोळ्यांना दृष्टी प्राप्त झाली आहे.
दृष्टी मिळाल्यानंतर आनंदित झालेल्या सय्यद मुस्तफा सय्यद कलीम याने आपल्या परिवारासह पालकमंत्री गुलाबराव पाटील साहेब आणि भाऊसो प्रतापराव पाटील साहेब यांची भेट घेऊन कृतज्ञता व्यक्त केली. यावेळी त्याच्या चेहऱ्यावर दिसणारा आनंद आणि समाधान हे या मदतीचे खरे फलित ठरले.
यावेळी जीपीएस मित्रपरिवाराचे पदाधिकारी व सदस्य उपस्थित होते. गरजू व्यक्तींना मदत, आरोग्यविषयक सहकार्य आणि सामाजिक उपक्रमांच्या माध्यमातून गुलाबराव पाटील साहेब सातत्याने जनतेशी जोडलेले राहतात. त्यांच्या या संवेदनशील कार्याचे सर्व स्तरातून कौतुक होत आहे.
एका गरजू कुटुंबाच्या आयुष्यात आशेचा किरण निर्माण करून पालकमंत्री गुलाबराव पाटील यांनी सामाजिक जबाबदारीचे उत्तम उदाहरण समाजासमोर ठेवले आहे.