🟣 *जिल्हा परिषद व पंचायत समिती निवडणुकासाठी* *आरक्षण कार्यक्रम जाहीर* *32 जिल्हा परिषद व 336* *पंचायत समितीच्या सार्वत्रिक निवडणुकासाठी आरक्षण निश्चिती* 🟣

📰 जिल्हा परिषद व पंचायत समिती निवडणुकांसाठी आरक्षण कार्यक्रम जाहीर

मुंबई, दि. १ ऑक्टोबर : राज्यातील ३२ जिल्हा परिषद व ३३६ पंचायत समित्यांच्या सार्वत्रिक निवडणुकांसाठी आरक्षण निश्चिती/सोडतीचा कार्यक्रम राज्य निवडणूक आयोगाने जाहीर केला आहे. आयोगाचे सचिव सुरेश कांकोणकर यांनी यासंदर्भातील आदेश काढले आहेत.

जाहीर कार्यक्रमानुसार, अनुसूचित जाती-जमातीच्या लोकसंख्येच्या प्रमाणानुसार आरक्षण ठरविण्याचे काम ६ ऑक्टोबर २०२४ पर्यंत पूर्ण करून जिल्हाधिकारी यांनी प्रस्ताव विभागीय आयुक्तांकडे सादर करावयाचा आहे. त्यानंतर १० ऑक्टोबर रोजी आरक्षण सोडतीची सूचना व प्रसिद्धी केली जाणार आहे.

१३ ऑक्टोबर २०२४ रोजी जिल्हा परिषद व पंचायत समित्यांच्या जागांसाठी आरक्षणाची सोडत काढली जाईल. त्यानंतर १४ ऑक्टोबर रोजी प्राथमिक अधिसूचना प्रसिद्ध केली जाईल. नागरिकांच्या हरकती व सूचना २१ ऑक्टोबर पर्यंत स्वीकारल्या जाणार असून ३१ ऑक्टोबर पर्यंत सुनावणी होऊन अंतिम आरक्षण निश्चित केले जाईल.

अंतिम आरक्षणाची अधिसूचना २ नोव्हेंबर २०२४ रोजी शासन राजपत्रात प्रसिद्ध करण्यात येणार आहे.

या कार्यक्रमामुळे जिल्हा परिषद व पंचायत समिती निवडणुकांचे चित्र स्पष्ट होणार असून, विविध राजकीय पक्षांनी तयारीस सुरुवात केली आहे.