🔥*भाऊसाहेब गुलाबरावजी पाटील इंग्लिश मिडीयम स्कूलचे ऑलिम्पियाडमध्ये दैदिप्यमान यश* 🔥

भाऊसाहेब गुलाबरावजी पाटील इंग्लिश मिडीयम स्कूलचे ऑलिम्पियाडमध्ये दैदिप्यमान यश

पाळधी (प्रतिनिधी) – पाळधी येथील भाऊसाहेब गुलाबरावजी पाटील इंग्लिश मिडीयम स्कूलच्या विद्यार्थ्यांनी ‘सिल्व्हर झोन ऑलिम्पियाड’ या नामांकित संस्थेमार्फत घेण्यात आलेल्या विविध स्पर्धात्मक परीक्षांमध्ये घवघवीत यश संपादन करून शाळेचा नावलौकिक उंचावला आहे.

या स्पर्धेत शाळेतील 150 हून अधिक विद्यार्थ्यांनी सहभाग नोंदवला होता. गणित, विज्ञान, इंग्रजी, संगणक व सामान्य ज्ञान या विषयांमध्ये विद्यार्थ्यांनी उल्लेखनीय कामगिरी केली. विशेष म्हणजे 50 पेक्षा जास्त विद्यार्थ्यांनी गोल्ड मेडल मिळवून विशेष यश संपादन केले असून, अनेक विद्यार्थी Level 2 साठी पात्र ठरले आहेत.

या यशाबद्दल संस्थेचे अध्यक्ष श्री विक्रम दादा पाटील व सचिव श्री प्रताप दादा पाटील यांनी विद्यार्थ्यांचे व शिक्षकांचे कौतुक करून त्यांच्या उज्ज्वल भविष्यासाठी शुभेच्छा दिल्या.

शाळेचे मुख्याध्यापक श्री नरेंद्र मांडगे यांच्या कुशल नेतृत्व व मार्गदर्शनामुळे विद्यार्थ्यांमध्ये स्पर्धात्मक वृत्ती व आत्मविश्वास वाढीस लागला असून, त्यांच्या विशेष प्रयत्नांमुळेच हे यश शक्य झाले आहे. विद्यार्थ्यांच्या सर्वांगीण विकासासाठी शाळा सातत्याने प्रयत्नशील असल्याचेही त्यांनी यावेळी नमूद केले.

तसेच पालकांचे सातत्याने मिळणारे प्रेम व सहकार्य यामुळे विद्यार्थ्यांच्या प्रगतीस मोठा हातभार लागत असल्याचेही अधोरेखित करण्यात आले.

या यशामागे परीक्षेच्या मुख्य समन्वयक सोनाली पाटील मॅडम यांचे नियोजन, तसेच इंग्रजी विषयासाठी अनिता पाटील मॅडम, गणितासाठी इश्वरी लढे मॅडम, विज्ञानासाठी रश्मी भोसले मॅडम, संगणकासाठी वैष्णवी माळी मॅडम व सामान्य ज्ञानासाठी हर्षला पाटील मॅडम यांचे मार्गदर्शन मोलाचे ठरले.