💧*महाराष्ट्र जीवन प्राधिकरणाच्या सेवानीवृत्त अधिकारी संघटनेकडून मुख्यमंत्री सहाय्यता निधीसाठी ४.२१ लाखांची मदत*💧

महाराष्ट्र जीवन प्राधिकरणाच्या सेवानीवृत्त अधिकारी संघटनेकडून मुख्यमंत्री सहाय्यता निधीसाठी ४.२१ लाखांची मदत

*मुंबई/पाळधी/जळगांव प्रतिनिधी दि. 24 मार्च – महाराष्ट्र जीवन प्राधिकरणाच्या सेवानीवृत्त अधिकारी व कर्मचारी संघटना, अमरावती यांच्या वतीने मुख्यमंत्री सहाय्यता निधीसाठी ४ लाख २१ हजार रुपयांची आर्थिक मदत देण्यात आली. हा धनादेश पाणीपुरवठा व स्वच्छता मंत्री तथा जलगाव जिल्ह्याचे पालकमंत्री गुलाबराव पाटील यांच्या विभागाकडे वर्ग करण्यात आला आहे.*

राज्यात अलीकडेच आलेल्या अतिवृष्टी व पुरपरिस्थितीमुळे बाधित झालेल्या शेतकरी व नागरिकांना मदत करण्याच्या उद्देशाने ही रक्कम देण्यात आली असल्याचे संघटनेने पत्राद्वारे कळविले आहे. सामाजिक बांधिलकी जपत गरजूंपर्यंत मदत पोहोचविण्याचा हा प्रयत्न असल्याचेही संघटनेने नमूद केले आहे.

या प्रसंगी मंत्री गुलाबराव पाटील यांनी संघटनेच्या या उपक्रमाचे कौतुक करत त्यांचे आभार मानले.

*मंत्री गुलाबराव पाटील यांचा कोट*
“अडचणीच्या काळात समाजाने एकमेकांच्या मदतीला धावून येणे हीच खरी आपली संस्कृती आहे. महाराष्ट्र जीवन प्राधिकरणाच्या सेवानीवृत्त अधिकारी व कर्मचारी संघटनेने मुख्यमंत्री सहाय्यता निधीसाठी दिलेली मदत ही निश्चितच कौतुकास्पद आहे. या योगदानामुळे गरजू नागरिकांना दिलासा मिळणार आहे. संघटनेच्या सर्व सदस्यांचे मी मनःपूर्वक आभार मानतो.