📌*जनतेचा विश्वास कमावणे हाच ‘वीरा पेट्रोलियम’चा खरा नफा” – पालकमंत्री गुलाबराव पाटील*📌 आव्हाणी फाटा येथे ‘वीरा पेट्रोलियम’चे उद्घाटन; प्रामाणिक सेवा, दर्जेदार इंधन आणि ग्राहकाभिमुखतेची ग्वाही

*जनतेचा विश्वास कमावणे हाच ‘वीरा पेट्रोलियम’चा खरा नफा” – पालकमंत्री गुलाबराव पाटील*

आव्हाणी फाटा येथे ‘वीरा पेट्रोलियम’चे उद्घाटन; प्रामाणिक सेवा, दर्जेदार इंधन आणि ग्राहकाभिमुखतेची ग्वाही

*जळगाव, दि. 11 जुलै – : उद्योग क्षेत्रातील यशामागे कुटुंबाची साथ, संघर्षाची जिद्द आणि जनतेचा विश्वास हेच खरे भांडवल असते. आज ‘वीरा पेट्रोलियम’च्या माध्यमातून ग्राहकसेवेचा नवा अध्याय सुरू होत आहे. पेट्रोल पंपातून केवळ आर्थिक नफा मिळवणे महत्त्वाचे नाही, तर जनतेचा विश्वास कमावणे हे त्याहून अधिक महत्त्वाचे आहे. प्रामाणिक सेवा, पारदर्शक व्यवहार आणि ग्राहकांच्या समाधानाच्या बळावरच ‘वीरा पेट्रोलियम’ची वेगळी ओळख निर्माण होईल, असे प्रतिपादन पाणीपुरवठा व स्वच्छता मंत्री पालकमंत्री गुलाबराव पाटील यांनी आव्हाणी फाटा येथे ‘वीरा पेट्रोलियम’च्या उद्घाटनप्रसंगी केले.*

पुढे बोलताना पालकमंत्री गुलाबराव पाटील म्हणाले की, जनतेचा आशीर्वाद हीच माझी सर्वात मोठी संपत्ती असून त्या विश्वासाचे ऋण प्रामाणिक सेवेतून फेडण्याचा हा प्रयत्न आहे. राजकारणातील पदे आणि जबाबदाऱ्या बदलत असतात; मात्र जनसेवेचे संस्कार कधीही बदलत नाहीत. ‘वीरा पेट्रोलियम’च्या माध्यमातून ग्राहकसेवेची नवी जबाबदारी स्वीकारत असून प्रामाणिक सेवा, अचूक मोजमाप, दर्जेदार इंधन आणि ग्राहकांचा अढळ विश्वास या चार भक्कम आधारस्तंभांवर ‘वीरा पेट्रोलियम’ची भविष्यातील वाटचाल उभी राहील, अशी ग्वाही त्यांनी दिली.

*यावेळी भारत पेट्रोलियमचे टेरिटरी मॅनेजर राहुल कचरे यांनी सांगितले की, ‘वीरा पेट्रोलियम’ हा जळगाव विभागातील भारत पेट्रोलियमचा महत्त्वपूर्ण प्रकल्प असून सुरत–कोलकाता राष्ट्रीय महामार्गावरील बीपीसीएलच्या सेवाविस्तारातील एक महत्त्वाचा टप्पा आहे. उत्कृष्ट सुविधा, दर्जेदार इंधन आणि ग्राहकाभिमुख सेवेमुळे हा पेट्रोल पंप अल्पावधीतच ग्राहकांचा विश्वास संपादन करेल, असा विश्वास त्यांनी व्यक्त केला. प्रतापराव पाटील, विक्रम पाटील आणि पालकमंत्री गुलाबराव पाटील यांच्या मार्गदर्शनातून उभारलेला हा उपक्रम भविष्यात आदर्श इंधन सेवा केंद्र म्हणून स्वतंत्र ओळख निर्माण करेल, असेही त्यांनी नमूद केले.*

कार्यक्रमाचे प्रास्ताविकात जीपीएस संस्थेचे सचिव तथा माजी जिल्हा परिषद सदस्य प्रतापराव पाटील यांनी ‘वीरा पेट्रोलियम’च्या स्थापनेमागील उद्देश, ग्राहकाभिमुख सेवा आणि भविष्यातील नियोजन याविषयी माहिती दिली. तसेच भारत पेट्रोलियमकडून या ठिकाणी ई-वाहनांसाठी चार्जिंग स्टेशनची सुविधा उपलब्ध करून देण्याची मागणी करत ग्राहकांचा आणि भारत पेट्रोलियम कंपनीचा विश्वास कायम राखणारी सेवा देण्याची ग्वाही दिली. सूत्रसंचालन प्रा. भूषण पाटील यांनी केले. आभार उद्योजक तथा जीपीएस कॉलेजचे चेअरमन विक्रम पाटील यांनी मानले.

यावेळी व्यासपीठावर भारत पेट्रोलियमचे टेरिटरी मॅनेजर राहुल कचरे, सेल्स मॅनेजर आदित्य कुमार, इंजिनिअरिंग ऑफिसर धनंजय कुमार, संभाजीनगर विभागाचे सेल्स मॅनेजर हरीशजी, सुभाष पाटील, सुनील पाटील, अमोल पाटील, उपमहापौर मनोज चौधरी, मोहम्मदभाई मूर्तिजा शेख, अभय जैन, ‘वीरा पेट्रोलियम’चे प्रोप्रायटर तथा माजी जिल्हा परिषद सदस्य प्रतापराव पाटील, उद्योजक तथा जीपीएस कॉलेजचे चेअरमन विक्रम पाटील यांच्यासह विविध क्षेत्रांतील मान्यवर उपस्थित होते.