🟣🟣*विठू माऊलीच्या चरणी पालकमंत्री गुलाबराव पाटील यांचे साकडे; ‘बळीराजा, वारकरी आणि सर्वसामान्य जनतेवर कृपादृष्टी राहू दे’*🟣🟣

*विठू माऊलीच्या चरणी पालकमंत्री गुलाबराव पाटील यांचे साकडे; ‘बळीराजा, वारकरी आणि सर्वसामान्य जनतेवर कृपादृष्टी राहू दे’*

*पाळधी / पंढरपूर / जळगाव प्रतिनिधी | दि. १६ जुलै : राज्याचे पाणीपुरवठा व स्वच्छता मंत्री तथा जळगाव जिल्ह्याचे पालकमंत्री ना. गुलाबराव पाटील यांनी आषाढी वारीनिमित्त दरवर्षीच्या परंपरेनुसार यंदाही श्री विठ्ठल-रुक्मिणी मंदिरात जाऊन विठू माऊलीचे भक्तिभावाने दर्शन घेतले. विठ्ठलाच्या चरणी नतमस्तक होत त्यांनी राज्यातील शेतकरी, वारकरी आणि सर्वसामान्य जनतेच्या सुख-समृद्धीसाठी तसेच भरघोस पाऊस पडून बळीराजा आनंदी राहावा, अशी मनोभावे प्रार्थना केली.* विठ्ठलाच्या चरणी साकडे घालताना पालकमंत्री गुलाबराव पाटील म्हणाले, “राज्यात वेळेवर आणि मुबलक पाऊस पडू दे, शेतकऱ्यांच्या कष्टाला भरघोस यश मिळू दे, प्रत्येक घरात सुख-समृद्धी नांदो, वारकरी संप्रदायाची सेवा अखंड सुरू राहू दे आणि महाराष्ट्रावर विठू माऊलीची कृपादृष्टी सदैव राहू दे,” अशी त्यांनी भावपूर्ण प्रार्थना केली.

दर्शनानंतर पत्रकारांशी संवाद साधताना पालकमंत्री गुलाबराव पाटील म्हणाले की, पंढरपूरची वारी ही महाराष्ट्राच्या संस्कृतीची, भक्तीची आणि समतेची अखंड परंपरा आहे. विठ्ठलाच्या चरणी आले की मनाला नवी ऊर्जा, समाजसेवेची नवी प्रेरणा आणि जनतेसाठी अधिक काम करण्याची ताकद मिळते. मंदिर परिसरात त्यांनी वारकऱ्यांशी आत्मीयतेने संवाद साधत त्यांच्या अडचणी जाणून घेतल्या. वारकरी संप्रदायाच्या सेवेसाठी शासन कटिबद्ध असून वारकऱ्यांच्या भक्तिभावाचे त्यांनी कौतुक केले. तसेच सर्व भाविकांना आषाढी वारीच्या शुभेच्छाही दिल्या.

यावेळी मंदिराचे ट्रस्टी संभाजी शिंदे यांच्या हस्ते पालकमंत्री ना. गुलाबराव पाटील यांचा शाल व श्रीफळ देऊन सत्कार करण्यात आला.

*यांची होती उपस्थिती*
या प्रसंगी श्री विठ्ठल-रुक्मिणी मंदिर समितीचे संचालक संभाजीराजे शिंदे, पंढरपूर नगराध्यक्षा प्रणिती भालके, कैलास पाटील, मोतीआप्पा पाटील यांच्यासह मंदिर समितीचे पदाधिकारी, मान्यवर व अनेक भाविक उपस्थित होते.