*पालकमंत्री गुलाबराव पाटील यांच्या हस्ते नियुक्तीपत्र देऊन झाला सत्कार !*
अँड. शरद माळी यांची जळगाव जिल्हा उपजिल्हा प्रमुखपदी निवड
*धरणगाव प्रतिनिधी दि.28 सप्टेंबर – धरणगाव येथील विधी तज्ञ अँड. शरद माळी यांची जळगाव जिल्हा शिवसेना उपजिल्हा प्रमुखपदी निवड करण्यात आली असून राज्याचे पाणीपुरवठा मंत्री, पालकमंत्री तथा शिवसेनेचे नेते गुलाबराव पाटील यांच्या हस्ते नियुक्तीपत्र प्रदान करून त्यांच्या सत्कार कऱण्यात आला.*
शरद माळी हे गेली 17 वर्षे विधी तज्ञ म्हणून जळगाव व धरणगाव येथे कार्यरत आहेत. समाजकारणाशी निगडीत त्यांच्या सेवाभावी वृत्ती, प्रभावी वक्तृत्व आणि संघटन कौशल्यामुळे ते कार्यकर्त्यांमध्ये सक्रीय आहेत.
*मंत्री गुलाबराव पाटील यांचा कोट*
“धरणगाव हे शिवसेनेचे गड असून इथे संघटना आधीपासूनच बळकट आहे. कार्यकर्त्यांच्या निष्ठा आणि मेहनतीमुळेच हा गड अधिक मजबुत बनला आहे. अशा परिस्थितीत शरद माळी यांची जिल्हा उपजिल्हा प्रमुखपदी झालेली निवड संघटनेला नवा उत्साह देणारी आहे. त्यांच्या कायदेशीर ज्ञानाचा आणि वक्तृत्वाचा फायदा पक्ष बांधणीसाठी होईल. या निवडीमुळे धरणगाव शिवसेना संघटनेला आणखी धार येईल आणि कार्यकर्त्यांना प्रेरणा मिळेल.
*पालकमंत्री गुलाबराव पाटील*
*उपस्थित मान्यवर*
या प्रसंगी शिवसेनेचे माजी नगराध्यक्ष पी. एम. पाटील, तालुका प्रमुख डी. ओ. पाटील, मागासवर्गीय सेनेचे जिल्हाप्रमुख मुकुंद नन्नवरे, माजी तालुका प्रमुख राजेंद्र चव्हाण, जळगाव मनपाचे माजी नगरसेवक श्याम कोगटा, मनोज चौधरी, नारायण आप्पा सोनवणे, युवा सेनेचे भावेश पाटील, लालू केदार यांसह अनेक मान्यवर उपस्थित होते.
अँड. शरद माळी यांच्या निवडीबद्दल जिल्हा प्रमुख विष्णु भंगाळे, माजी गटनेते पप्पूभाऊ भावे, नगरसेवक विजय महाजन, वासुदेव चौधरी, शहर प्रमुख विलास महाजन, युवासेना उपजिल्हा प्रमुख भैया महाजन, तालुका युवक समन्वयक कन्हैया महाजन, वाल्मीक पाटील, बाळासाहेब जाधव, सोनु महाजन, भरत महाजन, पवन महाजन, संजय चौधरी, हेमंत चौधरी, नगरसेवक सुरेश महाजन, अहमद पठाण, तोसिफ पटेल, संतोष महाजन, कल्पेश विसावे आदीनी अभिनंदन केले.
