🚩*महाराष्ट्र दिन व कामगार दिन उत्साहात साजरा*🚩 *भाऊसाहेब गुलाबरावजी पाटील एज्युकेशन कॅम्पस मध्ये १ मे ध्वजारोहणाचा मान शाळेचे स्वछता सेवक चावरे मामा यांना देण्यात आला*

महाराष्ट्र दिन व कामगार दिन उत्साहात साजरा

पाळधी बु. येथील भाऊसाहेब गुलाबरावजी पाटील एज्युकेशनल कॅम्पस मध्ये १ मे महाराष्ट्र दिन व कामगार दिन मोठ्या उत्साहात साजरा करण्यात आला. कार्यक्रमाच्या अध्यक्षस्थानी माजी जिल्हा परिषद सदस्य मा. प्रतापराव गुलाबरावजी पाटील उपस्थित होते.

कार्यक्रमाची सुरुवात ध्वजारोहणाने झाली. यावेळी ध्वजारोहणाचा मान शाळेचे स्वच्छता सेवक चावरे मामा यांना देण्यात आला. त्यांच्या कार्याची दखल घेत मा. प्रतापराव पाटील यांनी शाल, श्रीफळ व कपडे देऊन विशेष सत्कार केला. वर्षभर संपूर्ण कॅम्पस स्वच्छ व नीटनेटका ठेवणाऱ्या चावरे मामांच्या कार्याचे यावेळी सर्वांनी कौतुक केले.
अध्यक्षीय भाषणात मा. प्रतापराव गुलाबरावजी पाटील यांनी महाराष्ट्र दिनाच्या ऐतिहासिक महत्त्व सांगत राज्याच्या प्रगतीत प्रत्येक घटकाचा वाटा किती महत्त्वाचा आहे हे अधोरेखित केले. तसेच कामगार दिनाच्या निमित्ताने श्रमिकांच्या कष्टांचा सन्मान करण्याचे महत्त्व त्यांनी स्पष्ट केले. याच वेळी त्यांनी चावरे मामांच्या निष्ठेने व प्रामाणिकपणे केलेल्या स्वच्छता सेवेचे विशेष कौतुक करत, “कॅम्पस स्वच्छ ठेवणे ही केवळ जबाबदारी नसून ती एक सेवा आहे,” असे सांगून त्यांच्या कार्याला सलाम केला.
शाळेचे अध्यक्ष मा. विक्रमराव गुलाबरावजी पाटील यांनी उपस्थितांना महाराष्ट्र दिन व कामगार दिनाच्या शुभेच्छा दिल्या. कार्यक्रमास समन्वयक डी डी कंखंरे, ज्युनिअर व सीनिअर कॉलेजचे प्राचार्य श्री अजिंक्य जोशी तसेच इंग्लिश मिडीयमचे प्रिन्सिपल नरेंद्र मांडगे यांची प्रमुख उपस्थिती होती.
कार्यक्रमाचे प्रास्ताविक सीनिअर कॉलेजचे प्राध्यापक शिंदे सर यांनी केले. सूत्रसंचालन माध्यमिक विभागाच्या पाटील मॅडम यांनी तर आभार प्रदर्शन पठाण मॅडम यांनी केले.
या कार्यक्रमाला कॅम्पसच्या तीनही विभागांतील शिक्षक, शिक्षिका तसेच शिक्षकेतर कर्मचारी मोठ्या संख्येने उपस्थित होते.