💥*घरोघर पोहोचली मतदार जागर; पालकमंत्र्यांच्या पुढाकाराने ‘एसआयआर’ मोहिमेला गती*💥 पाळधी परिसरातील विशेष शिबिरांना पालकमंत्री ना. गुलाबराव पाटील यांची भेट; *१६ जुलैच्या विशेष शिबिरात नागरिकांनी आवश्यक कागदपत्रांसह सहभागी व्हावे – युवा नेते व माजी जिल्हा परिषद सदस्य प्रतापराव पाटील यांचे आवाहन*

*घरोघर पोहोचली मतदार जागर; पालकमंत्र्यांच्या पुढाकाराने ‘एसआयआर’ मोहिमेला गती*

पाळधी परिसरातील विशेष शिबिरांना पालकमंत्री ना. गुलाबराव पाटील यांची भेट;

*१६ जुलैच्या विशेष शिबिरात नागरिकांनी आवश्यक कागदपत्रांसह सहभागी व्हावे – युवा नेते व माजी जिल्हा परिषद सदस्य प्रतापराव पाटील यांचे आवाहन*

*पाळधी / जळगाव प्रतिनिधी दिनांक 14 जुलै : भारत निवडणूक आयोगाच्या विशेष सखोल पुनरीक्षण (Special Intensive Revision – SIR) अभियानांतर्गत पाळधी परिसरात मतदार यादी अद्ययावत करण्यासाठी पालकमंत्री गुलाबराव पाटील यांच्या नेतृत्वाखाली व युवा नेते तथा माजी जिल्हा परिषद सदस्य प्रतापराव पाटील यांच्या सूक्ष्म नियोजनातून शिवसेनेतर्फे व्यापक जनजागृती मोहीम राबविण्यात येत आहे. एकही पात्र मतदार मतदानाच्या घटनात्मक अधिकारापासून वंचित राहू नये, या उद्देशाने मतदान केंद्रस्तरावर विशेष शिबिरे, घराघर संपर्क, मतदार पडताळणी आणि आवश्यक कागदपत्रांबाबत मार्गदर्शन अशा विविध उपक्रमांना वेग आला आहे.*

*या मोहिमेचा आढावा घेण्यासाठी पाणीपुरवठा व स्वच्छता मंत्री तथा पालकमंत्री गुलाबराव पाटील यांनी पाळधी परिसरातील विशेष शिबिरांना भेट देऊन प्रत्यक्ष पाहणी केली. यावेळी त्यांनी बूथस्तरीय अधिकारी (BLO), मतदान केंद्रस्तरीय प्रतिनिधी (BLA) आणि संबंधित अधिकाऱ्यांशी संवाद साधत मतदार नोंदणी व पडताळणीची प्रक्रिया अचूक, पारदर्शक आणि वेळेत पूर्ण करण्याच्या सूचना दिल्या. पात्र नागरिकांचे नाव मतदार यादीत समाविष्ट होणे आणि मतदार यादीतील त्रुटी दूर करणे ही लोकशाही बळकट करण्यासाठी अत्यंत महत्त्वाची प्रक्रिया असल्याचे त्यांनी नमूद केले.*

युवा नेते तथा माजी जिल्हा परिषद सदस्य प्रतापराव पाटील यांनी या अभियानात सक्रिय सहभाग घेत नागरिकांना आवाहन केले की, १६ जुलै रोजी आयोजित विशेष शिबिरात आवश्यक कागदपत्रांसह उपस्थित राहून मतदार यादीतील नावाची खात्री करून घ्यावी. नाव समाविष्ट करणे, नावातील दुरुस्ती, पत्ता बदल किंवा इतर आवश्यक बाबी वेळेत पूर्ण करून घ्याव्यात. प्रत्येक पात्र नागरिकाचा मतदानाचा अधिकार अबाधित राहणे हीच या अभियानाची खरी ताकद असल्याचे त्यांनी सांगितले.

पाळधी परिसरात सुरू असलेल्या या मोहिमेत प्रशासन, बूथस्तरीय अधिकारी, मतदान केंद्रस्तरीय प्रतिनिधी आणि स्थानिक शिवसेनेचे बी. एल. ए. व कार्यकर्ते समन्वयाने कार्यरत असून घरोघर जाऊन नागरिकांना मार्गदर्शन केले जात आहे. त्यामुळे मतदार नोंदणी प्रक्रियेबाबत नागरिकांमध्ये जनजागृती वाढत असून विशेष शिबिरांना उत्स्फूर्त प्रतिसाद मिळत आहे.

लोकशाहीच्या बळकटीसाठी प्रत्येक पात्र नागरिकाचा मतदार यादीत समावेश होणे ही सामूहिक जबाबदारी असून, या अभियानात नागरिकांनी सक्रिय सहभाग नोंदवून लोकशाही अधिक सक्षम करण्यासाठी योगदान द्यावे, असे आवाहन युवा नेते तथा माजी जिल्हा परिषद सदस्य प्रतापराव पाटील यांनी केले.